بالالاردى وڭالتۋدىڭ دامۋى جاڭا سەرپىن الدى
الماتىدا دەنساۋلىق ساقتاۋ مينيسترلىگىنىڭ بالالارعا مەديسينالىق كومەك كورسەتۋدى جەتىلدىرۋ جونىندەگى كوشپەلى وتىرىسى ءوتتى، دەپ حابارلايدى Almaty-akshamy.kz.
جيىنعا س. ج. اسفەندياروۆ اتىنداعى قازاق ۇلتتىق مەديسينا ۋنيۆەرسيتەتى» كەاق بازاسىندا ق ر دسم، انا مەن بالا دەنساۋلىعىن ساقتاۋ دەپارتامەنتىنىڭ وكىلدەرى، قر-داعى ددۇ جانە يۋنيسەف حالىقارالىق ۇيىمدارىنىڭ وكىلدەرى، بارلىق 20 ءوڭىردىڭ دەنساۋلىق ساقتاۋ باسقارمالارىنىڭ ماماندارى، بالالىق شاق بويىنشا باس شتاتتان تىس بالالار ماماندارى، «پەدياتريا جانە بالالار حيرۋرگياسى عىلىمي ورتالىعى» اق جانە «University Medical Center» كق جەتەكشى ماماندارى، مەديسينالىق جوعارى وقۋ ورىندارىنىڭ بالالار كافەدرالارىنىڭ وقىتۋشىلارى قاتىستى.
كەڭەسكە قاتىسۋشىلاردىڭ نازارىندا بالالاردىڭ دەنساۋلىعىن ساقتاۋ جانە نىعايتۋ، قر-دا بالالارعا مەديسينالىق كومەك كورسەتۋدى ۇيىمداستىرۋدى جەتىلدىرۋ ماسەلەلەرى بولدى.
دەنساۋلىق ساقتاۋ ۆيسە-مينيسترى ۆياچەسلاۆ دۋدنيك ءوز بايانداماسىندا اتاپ وتكەندەي، بالالاردىڭ دەنساۋلىعىن ساقتاۋ دەنساۋلىق ساقتاۋدىڭ، مەملەكەت پەن قوعامنىڭ وزەكتى جانە ماڭىزدى ماسەلەلەرىنىڭ ءبىرى بولىپ قالا بەرەدى. بالالاردىڭ دەنساۋلىعى ەلدىڭ ەرەسەك تۇرعىندارىن قالىپتاستىرۋدىڭ ىرگەلى نەگىزىن قۇرايدى.
دەنساۋلىق ساقتاۋدى دامىتۋدىڭ مەملەكەتتىك باعدارلامالارىنىڭ ستراتەگيالىق ءىس-شارالارىن ىسكە اسىرۋ بالالاردىڭ ءومىرى مەن دەنساۋلىعىن ساقتاۋدا ەلەۋلى ناتيجەلەرگە قول جەتكىزۋگە اكەلدى. قازاقستاندا ۇرىقتىڭ جاتىرىشىلىك دامۋ كەزەڭىنەن باستاپ بالانىڭ دەنساۋلىعىن ساقتاۋ بويىنشا ءبىرىڭعاي ستراتەگيا ەنگىزىلدى.
ونىڭ ايتۋىنشا، قازاقستاندا مەديسينالىق-سانيتاريالىق العاشقى كومەكتىڭ الەۋمەتتىك باعدارلانعان مودەلى ىسكە اسىرىلدى، پروفيلاكتيكالىق مەديسينا بەلسەندى دامۋدا، مامانداندىرىلعان جانە جوعارى مامانداندىرىلعان مەديسينالىق كومەكتىڭ جاڭا تەحنولوگيالارى ەنگىزىلدى. بالالاردى وڭالتۋدىڭ دامۋى جاڭا سەرپىن الدى.
«بۇگىن بىزدە ديالوگ فورماتىندا بالالارعا مەديسينالىق كومەكتى ۇيىمداستىرۋ بويىنشا پروبلەمالىق ماسەلەلەردى تالقىلاۋعا جانە كەزدەسۋگە مۇمكىندىك تۋدى. ءبىز ءسىزدىڭ سۇراقتارىڭىزدى تىڭداپ، قىزمەتتى دامىتۋ پەرسپەكتيۆالارىن ايتقىمىز كەلەدى، جاڭا بۇيرىقتارمەن تانىستىرعىمىز كەلەدى. سونداي - اق، بۇگىن ەلىمىزدە العاش رەت ازىرلەنگەن نەوناتالدىق كومەك كورسەتۋدى ۇيىمداستىرۋ ستاندارتى ۇسىنىلاتىنىن اتاپ وتكىم كەلەدى»، - دەدى ۆيسە-مينيستر كەڭەسكە قاتىسۋشىلارعا ارناعان سوزىندە.
سودان كەيىن ول قازاقستان رەسپۋبليكاسى دەنساۋلىق ساقتاۋ ءمينيسترىنىڭ اتىنان ستاندارتتىڭ نەگىزگى ازىرلەۋشىسى پروفەسسور تامارا قۇرمانعالي قىزى چۋۆاكوۆاعا العىسىن ءبىلدىردى
ءوز كەزەگىندە ددۇ ەلدىك دەنساۋلىق ساقتاۋ باعدارلامالارىنىڭ ۇلتتىق ۇيلەستىرۋشىسى ل.وتەمىسوۆا بالالارعا مەديسينالىق كومەك كورسەتۋدى ۇيىمداستىرۋ جونىندەگى كەڭەستىڭ ماڭىزدىلىعىن اتاپ ءوتتى.
«ق ر دسم ەلىمىزدەگى بالالاردىڭ دەنساۋلىق جاعدايىن جاقسارتۋ ءۇشىن كوپ جۇمىس اتقارۋدا، الايدا اۋرۋدىڭ دامۋ ءقاۋپىنىڭ فاكتورلارىنا نازار اۋدارماي، بالالاردىڭ، ونىڭ ىشىندە مەكتەپ وقۋشىلارىنىڭ دەنساۋلىعىن جاقسارتۋ ماسەلەلەرىندە تابىسقا جەتۋ مۇمكىن ەمەس. سوڭعى زەرتتەۋلەر كورسەتكەندەي، وقۋشىلاردىڭ دەنساۋلىعىنىڭ ناشارلاۋ ءۇردىسى جاقسارمايدى، ويتكەنى دەنە بەلسەندىلىگىنىڭ تومەندەۋى، گادجەتتەردە كوپ ۋاقىت وتكىزۋ، سوزىلمالى اۋرۋلاردىڭ ءوسۋى جانە ت.ب. اكىمدىكتەر، دەنساۋلىق ساقتاۋ جۇيەسى دەڭگەيىندە وسى ماسەلەگە نازار اۋدارۋ قاجەت»، - دەدى ددۇ وكىلى.
يۋنيسەف-تىڭ قر-داعى وكىلىنىڭ ورىنباسارى لەتيسيا باززي-ۆەيل قر-دا بالالار دەنساۋلىعىن دامىتۋدا ايتارلىقتاي جەتىستىكتەرگە قول جەتكىزىلدى دەپ ەسەپتەيدى. ول سوڭعى ەسەپتەردە انا مەن بالا ءولىمىنىڭ تومەندەۋ ءۇردىسى بايقالعانىن جانە قازاقستان وسى كورسەتكىشتى تومەندەتۋ بويىنشا 10 ەلدىڭ قاتارىندا ەكەنىن اتاپ ءوتتى. بۇل رەتتە يۋنيسەف وكىلى وسال جەرلەردە، شالعاي اۋدانداردا، توتەنشە جاعدايلاردا بالانىڭ دامۋىنا نازار اۋدارۋعا شاقىردى.