ءتيىستى اقپاراتتى ۇلتتىق ستاتيستيكا بيۋروسى جاريالادى
بيىلعى قاڭتار-اقپان ايلارىندا قازاقستاننىڭ ەاەو ەلدەرىمەن ءوزارا ساۋداسى 4 133،3 ملن دوللاردى قۇرادى. 2022 جىلدىڭ سايكەس كەزەڭىنە قاراعاندا نومينالدى ماندە 5،9%-عا كوبەيدى، دەپ حابارلايدى Almaty-akshamy.kz.
اقپاراتقا سايكەس، تاۋارلار ەكسپورتى 1 650 ملن دوللاردى (+33،9%)، يمپورت – 2 483،3 ملن دوللاردى (-7،1%) قۇراعان.
ەلىمىزدىڭ ەاەو-نىڭ سىرتقى ساۋدا اينالىمىنىڭ جالپى كولەمىندە 92،6%-ى رەسەي فەدەراسياسىنا تيەسىلى، قىرعىزستانعا – 4،1%، بەلارۋس – 3،2%، ارمەنيا – 0،1%.
“ەاەو ەلدەرىمەن ەكسپورت بويىنشا وتكەن جىلدىڭ سايكەس كەزەڭىمەن سالىستىرعاندا حيميالىق يزوتوپتاردىڭ ەلەمەنتتەرى جانە ولاردىڭ قوسىلىستارى بويىنشا 5،6 ەسە ءوسىم بايقالادى. يمپورتتا ەڭ ۇلكەن ءوسىم قارا مەتالداردان جاسالعان قۇبىرلار مەن باسقا تۇتىكتەر بويىنشا – 3،5 ەسە”، - دەلىنگەن حابارلامادا.