الماتىدا بايشەشەك گۇلدەدى

تابيعاتتىڭ بۇل قۇبىلىسى قايران قالدىردى.

بيىل مۇنداي جاعداي ەلىمىزدىڭ ءار ايماعىندا قايتالانىپ تۇر، قىس كەلگەنىنە قاراماستان، الماتى وبلىسىنىڭ تاۋلارىندا دا كوكتەمدە، جازدا وسەتىن وسىمدىكتەر گۇلدەي باستادى، دەپ حابارلايدى Almaty-akshamy.kz

ىلە-الاتاۋ ۇلتتىق پاركىنىڭ ماماندارى بۇل قۇبىلىسقا ءبىرقاتار فاكتورلار اسەر ەتىپ وتىرعانىن ايتتى.

ماماندار جەر پلانەتاسى تاريحتاعى ەڭ ىستىق جازدى بيىل، ياعني 2023 جىلى وتكەرگەنىن ەسكە سالىپ ءوتتى.

"ۇزاق مەرزىمدى كليماتتىق تەندەنسيالار، جاھاندىق كليماتتىڭ وزگەرۋى ماۋسىمدىق اۋا رايىنا، سونىڭ ىشىندە جاۋىن-شاشىن مەن تەمپەراتۋرا رەجيمىنە اسەر ەتىپ، قاردىڭ ءتۇسۋىن كەشىكتىرەدى"، – دەلىنگەن حابارلامادا.

فوتوگراف دميتريي دوسەنكو جەلتوقساننىڭ 4-كۇنى الماتى شاتقالدارىنىڭ بىرىندە الاتاۋ بايشەشەگىن كەزىكتىرىپ، سۋرەتكە ءتۇسىرىپ العان.

"بۇل قۇبىلىسقا كوز جەتكىزۋ ماقساتىندا عىلىمي ءبولىم ماماندارى الاتاۋ بايشەشەگى شىعاتىن ورىنعا بارىپ، تەك بايشەشەكتىڭ ەمەس، وزگە دە گۇل تۇرلەرىنىڭ "ويانىپ" جاتقان ساتىنە كۋا بولىپ قايتتى" دەلىنگەن، ىلە-الاتاۋ ۇلتتىق پاركى تاراتقان اقپاراتتا.

ماماندار جەلتوقسانداعى ساپار بارىسىندا تاۋ بەتكەيىندە ءوسىپ تۇرعان ءايدارشوپ (لات. Corۋdalءىs)، بوتاكوز (لات. Myosotis)، كوكشىتىرشا (لات. Berteroa incana) سياقتى مامىر-ماۋسىم ايلارىندا شىعاتىن گۇلدەردىڭ جايقالىپ وسكەنى وتە سيرەك قۇبىلىس ەكەنىن اتاپ ءوتتى.