الماتىدا 1984 جىلدان بەرى پايدالانىلىپ كەلە جاتقان قۇبىردى اۋىستىرۋ ءۇشىن بايقاداموۆ پەن گاگارين كوشەلەرىنىڭ قيىلىسىندا كولىك قوزعالىسى شەكتەلمەك، دەپ حابارلايدى اlmaty-akshamy.kz
2024 جىلعى 19 شىلدەدەگى ساعات 23:00-دەن 22 شىلدەدەگى ساعات 9:00-گە دەيىن الماتى قالاسى بوستاندىق اۋدانىندا بايقاداموۆ جانە گاگارين كوشەلەرىنىڭ قيىلىسىندا اۆتوكولىكتەر ءۇشىن قوزعالىس جابىلادى. ەكى باعىتتا دا كولىك قوزعالىسى جابىق بولادى. 
ۋاقىتشا شەكتەۋلەر 1984 جىلدان بەرى پايدالانىلىپ كەلە جاتقان، جالپى ۇزىندىعى 1220 مەتر بولاتىن، اتالعان كوشە بويىنداعى كولىك جولى بولىگىنىڭ استىنان وتەتىن قۇبىردى جاڭعىرتۋ ۋچاسكەسىندە جوسپارلى جۇمىستاردى جۇرگىزۋ قاۋىپسىزدىگىن قامتاماسىز ەتۋ ءۇشىن ەنگىزىلدى.
بۇل قۇبىر 97 كوپپاتەرلى تۇرعىن ءۇيدى، 12 جەكە تۇرعىن ءۇيدى، 4 بالاباقشانى، 2 دەنساۋلىق ساقتاۋ نىسانىن جانە 27 باسقا نىساندى جىلۋمەن جانە ىستىق سۋمەن قامتاماسىز ەتەدى. جاڭعىرتۋ جۇمىستارى كەزەڭىندە اتالعان تۇتىنۋشىلار ىستىق سۋمەن بۇرىنعىسىنشا ۇزدىكسىز قامتاماسىز ەتە بەرىلەتىن بولادى.
ۋاقىتشا قولايسىزدىقتارعا تۇسىنىستىكپەن قاراۋلارىڭىزدى جانە بۇل اۋماقتى اينالىپ ءوتۋ جولدارىن الدىن الا قاراستىرۋلارىڭىزدى سۇرايمىز.
«الماتى جىلۋ جۇيەسى» ج ش س