كەشە الماتى قالاسىندا قوعامدىق كولىكتە ورىن العان وقيعا قوعامدى دۇرلىكتىردى. اۆتوبۋستا ايەلگە قاتىستى بولعان ۆيدەوسى الەۋمەتتىك جەلىلەردە كەڭىنەن تارالدى. 66 جاستاعى ەر ادام ايەلدىڭ تەلەفونمەن قاتتى سويلەگەنىنە اشۋلانىپ، ونى ۇرىپ-سوققان، دەپ حابارلايدى aqshamnews.kz
وقيعا الماتى قالاسىنىڭ قوعامدىق كولىكتەرىنىڭ بىرىندە بولعان. ەر ادام ايەلدىڭ تەلەفونمەن قاتتى سويلەپ تۇرعانىن ەستىپ، وعان نارازىلىق ءبىلدىرىپ، سوزبەن تۇسىندىرۋگە تىرىسقان. الايدا ول ايەلدىڭ قاتتى سويلەگەنىنە توزە الماي، كۇش قولدانعان. بۇل جاعداي قوعامدىق كولىككە مىنگەن باسقا جولاۋشىلاردىڭ كوز الدىندا بولعاندىقتان، وقيعا بىردەن نازارعا ىلىكتى.
بۇل جايت بويىنشا قۇقىق قورعاۋ ورگاندارى جەدەل ارەكەت ەتىپ، 66 جاستاعى ەر ادامدى ۇستاپ، ۋاقىتشا ۇستاۋ يزولياتورىنا قامادى. الماتى قالاسى المالى اۋدانى ىشكى ىستەر ءبولىمى باستىعىنىڭ ورىنباسارى باتۋرجان ابدۋماساروۆ مالىمدەگەندەي، كۇدىكتىگە قاتىستى قىلمىستىق ءىس قوزعالىپ، تەرگەۋ جۇمىستارى باستالدى. بۇزاقىلىق ارەكەت جاساعان ازامات جاۋاپقا تارتىلادى.