جول اپاتى سالدارىنان 1 ادام كوز جۇمىپ، 21 ادام زارداپ شەككەن
الماتىدا ادام ولىمىنە اكەپ سوققان جول اپاتىن جاساعان اۆتوبۋس جۇرگىزۋشىسىنە قاتىستى ءىس سوتقا جولداندى، دەپ حابارلايدى Almaty-akshamy.kz.
«بۇگىن قالا پروكۋراتۋراسىنىڭ سوتقا دەيىنگى تەرگەپ-تەكسەرۋ ماتەريالدارىن زەردەلەۋ ناتيجەلەرى بويىنشا، №98 اۆتوبۋسىنىڭ جۇرگىزۋشىسى ق ر قىلمىستىق كودەكسىنىڭ 345-بابى، 3-بولىگى بويىنشا (ابايسىزدا ادام ولىمىنە اكەپ سوقتىرعان جول قوزعالىسى ەرەجەلەرىن بۇزۋى) سوتقا جولداندى»، - دەپ حابارلادى الماتى قالالىق پوليسيا دەپارتامەنتىنىڭ باسپا ءسوز قىزمەتى.
ەسكە سالايىق، بىلتىر 8 قاراشا كۇنى الماتىدا تولە بي – ابىلاي حان كوشەلەرىنىڭ قيىلىسىندا ەكى اۆتوبۋس سوقتىعىسقان بولاتىن.
جول اپاتى سالدارىنان 1 ادام كوز جۇمىپ، 21 ادام زارداپ شەككەن.
سونداي-اق، اۆتوبۋس اپاتىنا قاتىسى بار جۇرگىزۋشى قاماۋعا الىنعان بولاتىن.