الماتى قالاسىنىڭ وكىلى ريزابەك ايتمۇحان 92 كگ سالماقتا ۇزدىك اتاندى
الماتى قالاسىنداعى بالۋان شولاق اتىنداعى سپورت سارايىندا كۇرەس تۇرلەرىنەن قازاقستان VI جازعى سپارتاكياداسى مارەسىنە جەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بالۋانداردان ەڭ سوڭعى بولىپ ەركىن كۇرەس شەبەرلەرى مەدالداردى ساراپقا سالدى.
كەشە جامبىلدىقتار راحات قالجان مەن سانجار مۇحتار 57 جانە 65 كگ سالماقتا توپ جاردى. 74 كگ سالماقتا فينالدا 2016 جىلى قازاق بالۋاندارى اراسىندا العاش رەت الەم چەمپيوناتىنىڭ كۇمىس جۇلدەگەرى اتانعان بقو-نىڭ تۋماسى، بۇل جولى استانا اتىنان كىلەمگە شىققان نۇرلان بەكجانوۆتى ۇتقان شىمكەنتتىك دارحان ەسەنعالي ۇزدىك شىقتى. وسى سالماقتا الەم چەمپيوناتىنىڭ جۇلدەگەرلەرى نۇرعوجا قايپانوۆ پەن دانيار قايسانوۆتىڭ مەدالسىز قالۋى باسەكەلەستىكتىڭ كۇشەيە تۇسكەنىن كورسەتكەندەي.
سونداي-اق شىعىسقازاقستاندىق ازامات داۋلەتبەكوۆ 86 كگ، استانالىق بەكزات ۇركىمباي 97 كگ سالماقتا جەڭىس تۇعىرىنا كوتەرىلدى.
بۇگىن جالعاسقان دودادا تۇركىستاندىق نۇربولات ابدۋالييەۆ 61 كگ، استانالىق سانجار دوستانوۆ 70 كگ، اتىراۋلىق بولات ساقاۋوۆ 79 كگ، الماتى قالاسىنىڭ وكىلى ريزابەك ايتمۇحان 92 كگ جانە اقتوبەلىك يۋسۋپ باتىرمۇرزايەۆ 125 كگ سالماقتا ۇزدىك اتاندى.
جالپى ەسەپتە جامبىل وبلىسى كوش باستاسا، استانالىقتار ەكىنشى، پاۆلودارلىقتار ءۇشىنشى ورىنعا كوتەرىلدى.
وسىلايشا، كۇرەس تۇرلەرىنەن قازاقستان سپارتاكياداسى اياقتالدى.
ەسكە سالا كەتەيىك، بۇدان بۇرىن كىلەمگە قايتا ورالعان المات كەبىسپايەۆتىڭ گرەك-ريم كۇرەسىنەن سپارتاكيادا چەمپيونى اتانعانىن جازعان بولاتىنبىز.
سونداي-اق وليمپيادا جۇلدەگەرى ەلميرا سىزدىقوۆا تۋعان كۇنىندە سپارتاكيادا جەڭىمپازى اتاندى.