الماتىدا الداعى دەمالىس كۇندەرى تۇركىستان وبلىسىنىڭ تاۋاروندىرۋشىلەرى قاتىساتىن كەڭەيتىلگەن اۋىل شارۋاشىلىعى جارمەڭكەسى وتەدى، - دەپ حابارلايدى اqshamnews.kz ءتىلشىسى.
جارمەڭكەگە وبلىستىڭ 16 اۋدانى مەن تۇركىستان قالاسى قاتىسادى. الماتى تۇرعىندارى مەن قوناقتارىنا جەرگىلىكتى وندىرۋشىلەردىڭ 50-دەن استام ءتۇرلى ءونىمى ۇسىنىلادى. ولاردىڭ ىشىندە ەت-سۇت ونىمدەرى، جەمىس-كوكونىس پەن شۇجىق تۇرلەرى، ۇن، جارما، وسىمدىك جانە مالدىڭ مايى جانە كۇندەلىكتى تۇتىنۋعا قاجەتتى وزگە دە تاۋارلار بار. جالپى 500 توننا ءونىم جەتكىزىلەدى. ونىڭ ىشىندە 100 توننا ەت ءونىمى، 250 توننا جەمىس-كوكونىس، 30 توننا ءسۇت ونىمدەرى جانە 120 تونناعا جۋىق وزگە دە ونىمدەر.
جارمەڭكە 27-28 قىركۇيەكتە ساعات 8:00-دەن 17:00-گە دەيىن قازىبەك بي كوشەسىندە، ابىلاي حان داڭعىلىنان پانفيلوۆ كوشەسىنە دەيىنگى ارالىقتا وتەدى. كەلۋشىلەر فەرمەرلىك ونىمدەردى دەلدالسىز، وندىرۋشىلەردەن تىكەلەي قولجەتىمدى باعامەن ساتىپ الىپ، تۇركىستان وبلىسىنىڭ اۋىل شارۋاشىلىعى تاۋارلارىنىڭ اسسورتيمەنتىمەن تانىسا الادى.
