الماتىدا تاۋەلسىزدىك كۇنى قارساڭىندا «اۋىل» پارتياسى الماتى قالاسى فيليالى مەن «قازاق انالارى – داستۇرگە جول» رەسپۋبليكالىق قوعامدىق بىرلەستىگىنىڭ مۇشەلەرى «انالار تاعىلىمى – ەل بىرلىگىنىڭ نەگىزى» اتتى تاعىلىمدى كەزدەسۋ وتكىزىپ، ىنتىماقتاستىق تۋرالى مەموراندۋمعا قول قويدى، دەپ حابارلايدى AqshamNews.kz ءتىلشىسى.
2025 جىلعى 15 جەلتوقساندا تاۋەلسىزدىك كۇنىنە وراي «انالار تاعىلىمى – ەل بىرلىگىنىڭ نەگىزى» اتتى مازمۇندى كەزدەسۋ ءوتتى. ءىس-شارانى «اۋىل» پارتياسى الماتى قالاسى فيليالى الماتى وبلىسى جانە الماتى قالاسى بويىنشا «قازاق انالارى – داستۇرگە جول» رەسپۋبليكالىق قوعامدىق بىرلەستىگىنىڭ مۇشەلەرىمەن بىرلەسىپ ۇيىمداستىردى.
باسقوسۋ ۇلتتىق قۇندىلىقتاردى ۇلىقتاۋ، وتباسىلىق تاربيە مەن انانىڭ قوعامداعى ءرولىن نىعايتۋ، سونداي-اق ازاماتتىق بىرلىكتى ارتتىرۋ ماقساتىندا ءوتتى.
كەزدەسۋ بارىسىندا تاراپتار بىرلەسكەن الەۋمەتتىك، مادەني جانە تاربيەلىك جوبالاردى جۇزەگە اسىرۋ ءۇشىن ءوزارا ىنتىماقتاستىقتى دامىتۋعا كەلىستى. ناتيجەسىندە رەسمي تۇردە مەموراندۋمعا قول قويىلىپ، وندا قوعامدىق كەلىسىمدى نىعايتۋ، ۇلتتىق سالت-داستۇرلەردى كەڭىنەن ناسيحاتتاۋ، جاس ۇرپاقتى وتانسۇيگىشتىككە تاربيەلەۋ جانە قوعامداعى ايەلدەر مەن انالاردىڭ بەلسەندىلىگىن ارتتىرۋ سياقتى ورتاق مىندەتتەر ايقىندالدى.
ءىس-شارادا «اۋىل» پارتياسى الماتى قالاسى فيليالىنىڭ ءتوراعاسى احمەتبەك قوڭىربايەۆ ءسوز سويلەپ، تاۋەلسىزدىكتىڭ ەل تاريحىنداعى ماڭىزىن اتاپ ءوتتى. ول ۇلتتىق رۋح پەن ءداستۇردى ساقتاۋدا انالاردىڭ جانە قوعامدىق ۇيىمداردىڭ ايرىقشا ورنى بار ەكەنىن ايتىپ، «قازاق انالارى – داستۇرگە جول» بىرلەستىگىنىڭ جۇمىسىنا جوعارى باعا بەردى ءارى الداعى ۋاقىتتا دا بىرلەسە ەڭبەك ەتۋگە دايىن ەكەنىن جەتكىزدى.
سونىمەن قاتار پارتيانىڭ 25 جىلدىق مەرەيتويىنا وراي قوعام ومىرىنە بەلسەندى ارالاسىپ، رۋحاني-مادەني قۇندىلىقتاردى دارىپتەۋگە ۇلەس قوسىپ جۇرگەن ءبىرقاتار ازامات سالتاناتتى تۇردە ماراپاتتالدى. اتاپ ايتقاندا، «قازاق انالارى – داستۇرگە جول» رقب ءتورايىمى داۋلەت لايلە نوعاي قىزى، ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ الماتى قالاسى بويىنشا فيليالىنىڭ ديرەكتورى اينۇر يدريسوۆا، «ەگەمەن اگرو» ج ش س قۇرىلتايشىسى دامير اليمكۋلوۆ جانە «پاريتەت» ج ش س قىزمەتكەرى قارلىعاش ساپاربەكوۆا «اۋىل» پارتياسىنىڭ 25 جىلدىق مەرەيتويلىق مەدالىمەن ماراپاتتالدى.