تاۋەلسىزدىك مەرەكەسى قارساڭىندا الماتى قالاسىنىڭ قىلمىستىق-اتقارۋ جۇيەسى دەپارتامەنتىنە قاراستى №11 مەكەمەدە «تاۋەلسىزدىك دەپ سوعادى جۇرەگىمىز» دەگەن تاقىرىپپەن كەش ۇيىمداستىرىلدى. وعان مۇرىندىق بولعان №3 جالپى ءبىلىم بەرەتىن مەكتەپتىڭ ۇستازدارى.
«ءيا، بۇل مەكەمەدە، ياعني بالالار كولونياسىندا باس بوستاندىعىنان ايىرىلعان جاسوسپىرىمدەر جازاسىن وتەۋدە. ءبىراق ولاردىڭ دا مەرەكەنى اتاپ وتۋگە، تاۋەلسىزدىكتىڭ قالاي كەلگەنىن، سوناۋ جەلتوقسان وقيعاسىنىڭ ءمان-ماعىناسىن بىلۋگە قۇقىلى. وسىنداي كەشتەر ارقىلى ولار مەملەكەت قامقورلىعىن سەزىنەدى، وسىناۋ بەيبىت ءومىردىڭ قادىر-قاسيەتىن تۇيسىنەدى، جاقسى بولۋعا ۇمتىلادى، قاتەلىگىن تۇزەۋگە تىرىسادى دەپ سەنەمىز»، – دەيدى كەشتى ۇيىمداستىرۋشى حيميا ءپانىنىڭ ءمۇعالىمى گ.كۇرەڭبايەۆا.
ءىس-شارادا الاتاۋ اۋدانىنىڭ «زاريا-ۆوستوك» مەشىتىنىڭ باس يمامى قازبەك پازىلبەك ۇلى دا جازالى جاسوسپىرىمدەردى ازامات بولۋعا شاقىرىپ، تىلەگىن ارنادى. تاۋەلسىزدىك مەرەكەسىنىڭ قۇرمەتىنە بالالارعا جىلى كەۋدەشە، كۇرتەشەلەر، اياق كيىمدەر سىيلادى. جانە مەرەكەلىك داستارحاننىڭ ۇستىنە قويىلسىن دەپ ءتاتتى پالاۋ، جەمىس-جيدەك كوتەرە كەلىپتى.
ءىس-شارا سوڭىندا ءساپتجب باستىعى ادىلەت كاپيتانى شولپان ايبولات قىزى مەيماندارعا مەكەمە باستىعىنىڭ اتىنان «العىس حات» ۇسىندى.