مەملەكەت باسشىسى جاريالاعان بالالار جىلىن الماتىلىق پارتيالاستار ءوز جۇمىسىن جوسپارلاۋ كەزىندە نەگىزگە الدى. AMANAT پارتياسىنىڭ تۇركسىب اۋداندىق فيليالىنىڭ «دەنساۋلىق» باستاۋىش پارتيا ۇيىمىنىڭ جينالىسىندا ءسوز العان № 4 قالالىق پەرزەنتحانا ءبولىمىنىڭ اكۋشەرى تامارا حۆان اتالعان ەرەكشەلىكتەردى اتاپ ءوتتى، دەپ حابارلايدى اlmaty-akshamy.kz.
«ءيا، شىن مانىندە، بۇگىن اۋداننىڭ مەديسينالىق قوعامداستىعى پارتيانىڭ جاڭا ساياسي تۇعىرناماسىنىڭ جوباسىن تالقىلادى، وندا بىزگە وتباسىنىڭ ءال-اۋقاتى مەن دەنى ساۋ ۇلتتىڭ باعىتتارى ايتىلدى. اماناتتىقتار وزدەرىنىڭ باعدارلامالىق قۇجاتتارى مەن پارتيالىق باستامالارىندا ءبىزدىڭ بالالارىمىز دۇنيەگە كەلگەن ساتتەن باستاپ جۇيەلى تۇردە كورسەتەتىن دەنساۋلىق ساقتاۋ ساپاسىنىڭ شىن مانىندە ماڭىزى زور. سوندىقتان ءبىز AMANAT پارتياسىنىڭ ءبىر بولىگى بولعانىمىزعا قۋانىشتىمىز، ويتكەنى پارتيا ءوزىنىڭ ىس-ارەكەتىمەن ازاماتتارىمىزدىڭ دەنساۋلىعى مەن ءال-اۋقاتىنا تىكەلەي مۇددەلى ەكەنىن كورسەتەدى. تەك وتكەن جىلدىڭ وزىندە الماتىدا 42 مىڭنان استام ءسابي دۇنيەگە كەلدى، ال ءبىزدىڭ پەرزەنتحانامىز وسى جىلى 4177 كىشكەنتاي الماتىلىقتارعا ءومىر سىيلادى»، - دەپ ءبولىستى باس دارىگەر زيادا دونبايەۆا.
بۇگىندە اتالعان مەديسينالىق مەكەمە - تۇركسىب اۋدانىنداعى جالعىز پەرزەنتحانا. سونىمەن، پارتيا مۇشەلەرىمەن جانە ب ا ق وكىلدەرىمەن كەزدەسۋ بارىسىندا پەرزەنتحانا قىزمەتكەرلەرى تاعى بىرنەشە تاريحي وقيعالاردى ەرەكشە ماقتانىشپەن اتاپ ءوتتى. كەلەسى جىلى ۇجىم قۇرىلعانىنىڭ 70 جىلدىعىن اتاپ وتەدى. 1987 جىلى مۇندا الماتى قالاسىنىڭ ميلليونىنشى تۇرعىنى باۋىرجان ءقادىرسىزوۆ دۇنيەگە كەلدى. تاۋەلسىزدىك داۋىرىندە، 2001 جىلى پەرزەنتحانا «بالاعا مەيىرىمدى اۋرۋحانا» اتاعىن الدى، ال 20 جىل وتە كەلە، 2021 جىلى سالماعى 6440 گرامم بولاتىن ۇلكەن سالماقتى نارەستە دۇنيەگە كەلدى.
بۇگىنگى تاڭدا وسىندا قۇرىلعان باستاۋىش پارتيا ۇيىمىندا 106 پارتيا مۇشەسى بار. ولاردىڭ ايتۋىنشا، قازىرگى گەوساياسي جاعدايدا ەل ازاماتتارى اۋقىمدى جانە ساياسي تۇراقتى پارتيانىڭ اينالاسىندا شوعىرلانۋعا نيەتتى بولعاندىقتان، AMANAT پارتياسىنىڭ جاقتاستارىنىڭ سانى تەز وسەتىنىنە سەنىم ءبىلدىردى.