22 مامىردا الماتىداعى شونا سماحان ۇلى اتىنداعى №62 گيمنازيادا ەرەكشە ءىس-شارا ءوتتى، - دەپ حابارلايدى aqshamnews.kz ءتىلشىسى.
وقۋ-اعارتۋ مينيسترلىگى مەن بالالار قۇقىعىن قورعاۋ كوميتەتىنىڭ باستاماسىمەن، حالىقارالىق بالالاردى قورعاۋ كۇنىنە وراي ۇيىمداستىرىلعان "قازاقستان بالالارى" تۇجىرىمداماسى اياسىندا 2-9 سىنىپ وقۋشىلارى اراسىندا "اكەم – تىرەگىم، انام – جۇرەگىم" تاقىرىبىندا بالالار سۋرەت بايقاۋى ۇيىمداستىرىلدى.
بۇل بايقاۋدىڭ باستى ماقساتى – جاس ۇرپاقتىڭ بويىنا وتباسىعا دەگەن قۇرمەتتى، ۇلتتىق سالت-داستۇرگە دەگەن سۇيىسپەنشىلىكتى جانە وتباسىلىق قۇندىلىقتاردى ناسيحاتتاۋ بولدى.
ءىس-شارا بارىسىندا 300-گە جۋىق وقۋشى ءوز تۋىندىلارىن ۇسىنىپ، ولارمەن بىرگە اتا-انالار مەن ۇستازدار دا بەلسەنە اتسالىستى.
بالالاردىڭ سالعان سۋرەتتەرى كوز قۋانتادى: وندا اكەگە دەگەن سەنىم، اناعا دەگەن ماحاببات، باۋىرمالدىق پەن مەيىرىم، بىرلىك پەن تاتۋلىق سياقتى وتباسى ۇعىمىنىڭ تەرەڭ ءمانى كورىنىس تاپتى.
ءىس-شارا ۇستازدار مەن اتا-انالاردىڭ قولداۋىمەن جىلى اتموسفەرادا ءوتتى. بالالار تەك ءوز شىعارماشىلىق قابىلەتتەرىن ەمەس، وتباسىعا دەگەن كوزقاراسىن، ىشكى جان دۇنيەسىن دە قاعاز بەتىنە تۇسىرە الدى.
بۇل بايقاۋ – بولاشاق ۇرپاقتىڭ سانا-سەزىمىنە وتباسى قۇندىلىقتارىن سىڭىرۋدە ماڭىزدى قادام. وسىنداي ءىس-شارالار بالالاردىڭ كوركەمدىك قابىلەتتەرىن شىڭداپ قانا قويماي، ولاردىڭ رۋحاني دامۋىنا دا ۇلكەن اسەر ەتەدى.