الداعى جىلىتۋ ماۋسىمىنا دايىندىق كەزەڭىنىڭ ىشىندە الماتى قالاسىنىڭ المالى اۋدانىندا جىلۋ جەلىلەرىن جوسپارلى جاڭعىرتۋ جۇرگىزىلۋدە. جۇمىستاردىڭ شەڭبەرىندە 1980 جىلى پايدالانۋعا بەرىلگەن ۇزاقتىعى 130 مەتر جىلۋ تراسساسى اۋىستىرىلادى.
وسىعان بايلانىستى 2025 جىلعى 15 تامىزدىڭ ساعات 23:00 باستاپ 18 تامىزدىڭ ساعات 07:00 دەيىن جامبىل كوشەسىمەن يسايەۆ كوشەسىنەن باستاپ بايعانين كوشەسىنە دەيىن اۆتوكولىكتەر قوزعالىسى جابىلادى.
شەكتەۋلەر كورسەتىلگەن كوشە ۋچاسكەسىنىڭ جۇرگىن بولىگىنىڭ استىمەن وتەتىن ماگيسترالدىق قۇبىرجولداردى جاڭعىرتۋ بويىنشا جوسپارلى جۇمىستاردىڭ قاۋىپسىزدىگىن قامتاماسىز ەتۋ ءۇشىن ەنگىزىلەدى. جاڭعىرتۋ جۇمىستارىن جۇرگىزۋ مەرزىمىنىڭ ىشىندە تۇتىنۋشىلارعا ىستىق سۋ بەرۋ ۇزىلمەيدى.
وسى جىلۋ جەلىسى 2 كوپپاتەرلى تۇرعىن ءۇيدىڭ تۇرعىندارى ءۇشىن جىلۋ ەنەرگياسىن بەرۋدى جانە ىستىق سۋمەن جابدىقتاۋدى قامتاماسىز ەتەدى.
جالپى العاندا، اعىمداعى جىلى قالا بويىنشا 39 كم جىلۋ جەلىلەرىن جاڭعىرتۋ جوسپارلانعان. بۇل توزۋ دەڭگەيىن 54% دەيىن ازايتۋعا مۇمكىندىك بەرەدى.
ەسكە سالامىز، قوزعالىستاردى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram-ارناسىندا، اۋداندىق اكىمدىكتەر مەن باسقارمالاردىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالار» سەرۆيستەرىندە ورنالاستىرىلعان.