پاۆلوداردا اناسى تەرەزەدەن لاقتىرىپ جىبەرگەن بالا اۋرۋحانادان شىعارىلدى. 7 جاسار بالانى اكەسى ۇيىنە الىپ كەتتى، - دەپ حابارلايدى aqshamnews.kz ءتىلشىسى.
پاۆلودار وبلىستىق بالالار اۋرۋحانادا بالا ۇزاق ۋاقىت وڭالتۋدان ءوتۋى كەرەگى ايتىلدى. بالا اۋرۋحانادا ەكى اپتاعا جۋىق، سونىڭ ىشىندە ءبىر تاۋلىككە جۋىق جانساقتاۋ بولىمىندە جاتتى.
"2017 جىلى تۋعان بالا وڭ ديناميكامەن شىعارىلدى. جاعدايى قاناعاتتانارلىق. ءبىر اي ىشىندە ول قاتاڭ توسەك رەجيمىن ساقتاۋى كەرەك. بولاشاقتا تۇرعىلىقتى جەرى بويىنشا وڭالتۋ ورتالىعىندا جىل بويى وڭالتۋ قاجەت ەتەدى"، - دەدى پاۆلودار وبلىستىق بالالار اۋرۋحاناداعىلار.
اۋىر جاعدايدان كەيىن بالا قايتا ءجۇرىپ ۇيرەنۋى كەرەك. تەرەزەدەن ەكى ۇلىن لاقتىرىپ، كەيىن ءوزى سەكىرىپ كەتكەن ايەلدىڭ جاعدايى ءالى دە اۋىر.