الماتىدا جانە قازاقستاندا ەكو باعدارلامالارىنىڭ سانى تۇراقتى تۇردە ءوسىپ كەلەدى، بۇعان مەملەكەتتىك قولداۋ جانە حالىقتى اقپاراتتاندىرۋدىڭ جوعارىلاۋى ىقپال ەتۋدە.
بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا «ەكومەد» كلينيكاسىنىڭ رەپرودۋكتيۆتى مامانى ايگەرىم احمەتوۆا مالىمدەدى، دەپ حابارلايدى aqshamnews.kz.
«سوڭعى ءتورت جىلدا «اڭساعان ءسابي» باعدارلاماسى اياسىندا 28 مىڭ ەكو شاراسى جاسالىپ، سونىڭ ارقاسىندا 10 مىڭنان استام بالا دۇنيەگە كەلدى. الماتىدا بۇل باعدارلاما 562 ايەلدى قامتىسا، ونىڭ 246-سى انا اتاندى»، - دەدى رەپرودۋكتولوگ.
مامان ەكو-عا قىزىعۋشىلىقتىڭ ارتۋىنىڭ نەگىزگى سەبەپتەرىنىڭ قاتارىندا تەحنولوگيالاردىڭ دامۋىن، كەش بوسانۋلاردىڭ كوبەيۋىن جانە بەدەۋلىك دياگنوستيكاسىنىڭ جاقسارۋىن اتايدى.
«بۇگىنگى تاڭدا قازاقستانداعى ەرلى-زايىپتىلاردىڭ 16-17%-ى بالا كوتەرۋدە قيىندىقتارعا تاپ بولادى جانە كوپ جاعدايدا قرت ولار ءۇشىن سەنىمدى شەشىمگە اينالادى. الماتىدا ەكو-عا ماماندانعان 11 ەمحانا بار، بۇل قالانى رەپرودۋكتيۆتى مەديسينا ورتالىعىنا اينالدىرادى»، - دەدى احمەتوۆا.
سونداي-اق سپيكەر الداعى 5-10 جىلدا الماتى رەپرودۋكتيۆتى مەديسينانىڭ ودان ءارى دامۋىن، جاڭا تەحنولوگيالاردىڭ ەنگىزىلۋىن جانە ەكو قولجەتىمدىلىگىن كەڭەيتۋدى كۇتەتىنىن باسا ايتتى.
«ءبىز تەگىن ەكو-عا كۆوتالاردىڭ كوبەيۋىن جانە بەدەۋلىكتى ەمدەۋدىڭ يننوۆاسيالىق ادىستەرىن ەنگىزۋدى بولجاپ وتىرمىز. قازاقستاندا رەپرودۋكتيۆتى تەحنولوگيالاردى دامىتۋدا الماتى نەگىزگى ورىن الادى»، - دەپ تۇيىندەدى ءسوزىن ايگەرىم احمەتوۆا.