اسا ءقاۋىپتى ينفەكسيالىق جانە ينۆازيالىق اۋرۋلاردىڭ تارالۋىن بولدىرماۋ، سونداي-اق قاباعان يتتەردىڭ ادامدارعا شابۋىلىن الدىن الۋ ماقساتىندا 2025 جىلى الماتى قالاسىنىڭ ۆەتەرينارلىق قىزمەتى ارنايى تەحنيكالار پاركىن جاڭارتۋدى جوسپارلاپ وتىر. بۇل تۋرالى الماتى ءماسليحاتىنىڭ سەسسياسىندا حابارلاندى، وندا 2025-2027 جىلدارعا ارنالعان قالا بيۋدجەتى قابىلداندى، دەپ حابارلايدى aqshamnews.kz
2025 جىلى ۆەتەرينارلىق قىزمەت قالا ءۇشىن 14 بىرلىك ارنايى تەحنيكا ساتىپ الادى، ونىڭ ىشىندە:
- 11 بىرلىك جۇك كولىگى، بۇل ۇستاۋ بريگادالارىن كوبەيتۋگە مۇمكىندىك بەرەدى؛
- 2 رەفريجەراتور، بۇل جانۋارلاردىڭ ولەكسەلەرىن ۆەتەرينارلىق جانە سانيتارلىق نورمالارعا سايكەس ۋاقىتىلى جيناپ، تاسىمالداۋعا ارنالعان؛
- 1 پيكاپ ۆەتەرينارلىق دارىگەرلەر ءۇشىن اۋىل شارۋاشىلىعى جانۋارلارىمەن ۆەتەرينارلىق ءىس-شارالار جۇرگىزۋ كەزىندە جەتۋى قيىن جەرلەرگە بارۋعا ارنالعان.
سونداي-اق، 2025-2027 جىلدارى ءۇي جانۋارلارىن ۇستاۋ قىزمەتىنىڭ شتاتى كوبەيتىلەدى، بۇل ۋاقىتىلى ۇستاۋ، ولەكسەلەردى جيناۋ جانە اۋىل شارۋاشىلىعى مەن ءۇي جانۋارلارىنىڭ ولەكسەلەرىن شىعارۋ جۇمىستارىن ءتيىمدى جۇرگىزۋگە مۇمكىندىك بەرەدى. سونىمەن قاتار، ۇۇۆب (ۇستاۋ-ۇرىقسىزداندىرۋ- ۆاكسيناسيا-بوساتۋ) باعدارلاماسىن بەلسەندى تۇردە جۇزەگە اسىرۋ جوسپارلانعان.
ەسكە سالساق، 2023 جىلى جەلتوقساندا ۆەتەرينارلىق قىزمەت «KIA BONGO» ماركالى 12 بىرلىك جەڭىل جۇك اۆتوكولىگىن ساتىپ الدى، سونىڭ ارقاسىندا قاراۋسىز قالعان بۇرالقى جانۋارلاردى ۇستاۋ بريگادالارىنىڭ سانى ارتتى. 2024 جىلدىڭ قاڭتارىنان باستاپ 8 اۋدانعا كۇنىنە 2 بريگادا شىعىپ، تۇرعىندار مەن زاڭدى تۇلعالاردان الەۋمەتتىك جەلىلەر مەن اۋدان اكىمدىكتەرى ارقىلى تۇسەتىن وتىنىشتەردى ورىنداۋدا.
جۇرگىزىلىپ جاتقان جۇمىستار مەن اۆتوكولىك ساتىپ الۋ قالاداعى ەپيزووتيالىق جاعدايدى تۇراقتاندىرۋعا، ق ر «جانۋارلارعا جاۋاپتى قاراۋ تۋرالى» زاڭىن ءتيىمدى جۇزەگە اسىرۋعا مۇمكىندىك بەرەدى.