26 اقپان كۇنى تاڭەرتەڭ الماتى قالاسىندا جاڭبىر تۇرىندە جاۋىن-شاشىن كۇتىلەدى، كەشكە ىلعالدى قارعا اۋىسادى، ول 27 اقپاندا تاۋلىكتىڭ باسىندا اياقتالادى، تۇنگى كەزەڭدە اۋا تەمپەراتۋراسى -3...-5 گرادۋس ايازعا دەيىن، كۇندىز +1...+3 جىلۋ تومەندەيدى، دەپ حابارلايدى aqshamnews.kz.
وسىعان بايلانىستى قالانىڭ كوممۋنالدىق قىزمەتتەرى كۇشەيتىلگەن رەجيمدە جۇمىسقا اۋىستىرىلادى، وندىرىستىك بازالاردا جۇرگىزۋشىلەردىڭ، مەحانيزاتورلاردىڭ جانە جول جۇمىسشىلارىنىڭ تاۋلىك بويى كەزەكشىلىكتەرى ۇيىمداستىرىلادى. قار جاۋا باستاعانعا دەيىن ورنالاسقان جەرلەردەگى كوكتايعاق قۇبىلىستارىنىڭ الدىن الۋ ماقساتىندا 204 قۇم تاراتقىشتىڭ كەزەكشىلىگى ۇيىمداستىرىلاتىن بولادى. الدىن الا قار جاۋار الدىندا نەگىزگى ماگيسترالدىق كوشەلەردى سۇيىق رەاگەنتتەرمەن وڭدەۋ جوسپارلانۋدا. تاۋلىك بويى 624 بىرلىك ارنايى تەحنيكا مەن 1380 جول جۇمىسشىسىن تارتۋ جوسپارلانۋدا.
بۇدان باسقا، جولداردىڭ ءقاۋىپتى ۋچاسكەلەرىندە، تۇسۋلەردە، كوتەرىلۋلەردە، جول ايرىقتارىنان شىعۋلاردا مۇزدىڭ الدىن الۋ جانە جويۋ ءۇشىن 46 جەدەل بريگادانىڭ كۇشىمەن جول جامىلعىسىنىڭ جاي-كۇيىن پاترۋلدەۋ جونىندەگى جۇمىس كۇشەيتىلەتىن بولادى. اۋدان اكىمدىكتەرىندە جۇمىس ءوندىرىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلادى.
جولداردىڭ ءجۇرىس بولىگىندەگى بولجامدى مۇزدانۋعا، تروتۋارلارداعى كوكتايعاققا بايلانىستى اۆتوكولىك جۇرگىزۋشىلەرى مەن جاياۋ جۇرگىنشىلەردەن ساقتىق شارالارىن ساقتاۋدى سۇرايمىز. جۇرگىزۋشىلەرگە جىلدامدىقتى تومەندەتۋگە، اۆتوموبيلدەر اراسىنداعى قاشىقتىقتى ارتتىرۋعا جانە وتكىر مانيەۆرلەردەن اۋلاق بولۋعا كەڭەس بەرەمىز.
كولىك جۇرگىزۋ تاجىريبەسى از ادامدار اۆتوكولىكپەن جۇرۋدەن باس تارتىپ، قوعامدىق كولىككە اۋىسقاندارى دۇرىس. جاياۋ جۇرگىنشىلەر مۇزدى قابىرشاقتىڭ پايدا بولۋىنا بايلانىستى تروتۋارلاردا ءجۇرۋ كەزىندە ساقتىق شارالارىن ساقتاۋى كەرەك.