قازاقستاندا ەڭ تومەنگى جالاقىنى ايقىنداۋ تاسىلدەرى حالىقارالىق دەڭگەيدە بەكىتىلەدى، - دەپ حابارلايدى اqshamnews.kz ءتىلشىسى.
ءماجىلىس دامۋشى ەلدەردى ەرەكشە ەسكەرىپ، ەڭ تومەن جالاقىنى بەلگىلەۋ تۋرالى كونۆەنسيانى (№131 كونۆەنسيا) راتيفيكاسيالادى.
№131 كونۆەنسيانى راتيفيكاسيالاۋ نە بەرەدى؟
- قازاقستاننىڭ ەڭ تومەنگى جالاقىنى ايقىندايتىن قولدانىستاعى تاسىلدەرىن حالىقارالىق دەڭگەيدە بەكىتەدى؛
- قازاقستاننىڭ حالىقارالىق ەڭبەك ۇيىمىنا مۇشەلىگى اياسىندا حالىقارالىق مىندەتتەمەلەرگە ادالدىعىن راستاۋعا مۇمكىندىك بەرەدى.
قۇجاتتا مىناداي جالپى پرينسيپتەر ايقىندالادى:
- ەڭ تومەنگى جالاقى جۇيەسىن ەنگىزۋ؛
- الەۋمەتتىك ارىپتەستىك تاراپتارىنىڭ ەڭ تومەنگى جالاقىنى بەلگىلەۋگە جانە قايتا قاراۋعا قاتىسۋى؛
- ەڭ تومەنگى جالاقىنى انىقتاۋ كەزىندە ەكونوميكالىق فاكتورلار مەن جۇمىسشىلاردىڭ قاجەتتىلىكتەرىن ەسەپكە الۋ؛
- ەڭبەكاقى سالاسىنداعى كەمسىتۋشىلىككە تىيىم سالۋ.
قازاقستان 1993 جىلدان باستاپ حالىقارالىق ەڭبەك ۇيىمىنىڭ تولىققاندى مۇشەسى جانە ۇيىم ەرەجەلەرىن ساقتاۋ مەن حالىقارالىق ەڭبەك ستاندارتتارىن ۇلتتىق زاڭناماعا كەزەڭ-كەزەڭىمەن ەنگىزۋ بويىنشا مىندەتتەمەلەردى موينىنا الدى.
بۇعان دەيىن قازاقستان ەڭبەك جاعدايلارى، ەڭبەكتى قورعاۋ، الەۋمەتتىك قورعاۋ جانە الەۋمەتتىك ديالوگتىڭ نەگىزگى ماسەلەلەرىن قامتيتىن ەڭبەك سالاسىنداعى ۇيىمنىڭ 28 كونۆەنسياسىن راتيفيكاسيالادى.
ءقازىر ەڭ تومەنگى جالاقىنى بەلگىلەۋ تۋرالى كونۆەنسيانى (131-كونۆەنسيا) حالىقارالىق ەڭبەك ۇيىمىنا مۇشە 54 مەملەكەت راتيفيكاسيالادى. ولاردىڭ قاتارىندا تاۋەلسىز مەملەكەتتەر دوستاستىعىنان ارمەنيا مەن ازەربايجان بار.