ءال-فارابي داڭعىلىندا جوندەۋ جۇمىستارى جۇرگىزىلۋدە
قالادا 15 ماگيسترالدى كوشەنى ورتاشا جوندەۋ جۇمىستارى باستالدى. ءال-فارابي داڭعىلى بويىمەن اسقاروۆ كوشەسىنەن دوستىق داڭعىلىنا دەيىنگى ۇزىندىعى 9 كم-دەن اساتىن ۋچاسكەنى جوندەۋ باستالدى. بۇرىنعى ورتاشا جوندەۋ جۇمىستارى مۇندا 2010 جىلى جاسالعان. جۇمىستار كولىك قوزعالىسى بولىگىن ءىشىنارا جابۋ ارقىلى جۇرگىزىلەدى، دەپ حابارلايدى Almaty-akshamy.kz.
سونداي-اق، ەسەنتاي وزەنى ارقىلى وتەتىن ءال-فارابي داڭعىلىنداعى كوپىردە 6 ماۋسىمنان باستاپ رەكونسترۋكسيالاۋ اياسىندا قۇرىلىس-مونتاج جۇمىستارى جۇرگىزىلۋدە. جوبادا كوپىردى قايتا جاڭارتۋ جانە ەكى ۆەلوجۇرگىنشى كوپىرىن سالۋ كوزدەلگەن. بۇگىندە اينالما جولدى قامتاماسىز ەتۋ جانە ينجەنەرلىك كوممۋنيكاسيالاردى قايتا قۇرۋ ءۇشىن ءبولۋ جولاعىندا جول توسەمدەرىن جاساۋ بويىنشا جۇمىستار جۇرگىزىلۋدە.
«ورتاشا جوندەۋ جۇمىستارى اباي داڭعىلىندا، دوستىق داڭعىلىنان تىلەندييەۆ كوشەسىنە دەيىنگى ۋچاسكەدە دە جۇرگىزىلۋدە. قالا تۇرعىندارىنا ىڭعايلى بولۋ ءۇشىن جوندەۋ كەزىندە كوشەلەر ءىشىنارا جابىلادى. اباي داڭعىلىنداعى اتالعان ۋچاسكەلەردەگى جول جابىنىنا الدىڭعى ورتاشا جوندەۋ جۇمىستارى 2012 جىلى جۇرگىزىلگەن. جالپى ماگيسترالدى كوشەلەردى ورتاشا جوندەۋدى وقۋ جىلى باستالعانعا دەيىن اياقتاۋ جوسپارلانۋدا. جوندەۋ جۇمىستارىنا تۇسىنىستىك پەن شىدامدىلىق تانىتۋلارىڭىزدى سۇرايمىز»! - دەلىنگەن قالالىق موبيلدىلىك باسقارماسىنىڭ حابارلاماسىندا.