بيىل بالمۇزدىق پەن تاعامدىق مۇز باعاسى بىردەن 33%-كە قىمباتتادى.
مۇنداي دەرەكتى Energyprom.kz سايتى كەلتىرگەن.
بيىلعى قاڭتار-مامىر ارالىعىندا بالمۇزداق پەن تاعامدىق مۇز ءوندىرىسى 19،7 مىڭ توننا بولىپ، ءبىر جىل ىشىندە ءوندىرىس كولەمى بىردەن 40،3%-كە ارتقان.
2023 جىلدىڭ مامىر ايىنىڭ قورىتىندىسى بويىنشا، بالمۇزداق ءبىر ايدا 5%-كە قىمباتتادى.
سالىستىرۋ ءۇشىن ايتا كەتسەك، بىلتىر مامىردا بالمۇزداق باعاسى 2،7%-كە عانا ارتقان بولاتىن.
وڭىرلەر بويىنشا، الماتىدا باعا تەك 1،1%-گە وسسە، تۇركىستان وبلىسىندا 19،7%-كە قىمباتتادى.
بالمۇزداق باعاسى الماتى وبلىسى مەن استانادا دا ايتارلىقتاي وسكەنى بايقالادى - 18،2% جانە 10،9%.
ال جەتىسۋ، قاراعاندى، قىزىلوردا، پاۆلودار جانە سولتۇستىك قازاقستان وبلىستارىندا باعا وزگەرمەگەن.
ءبىر جىل ىشىندە بالمۇزداق باعاسى بىردەن 32،7%-كە قىمباتتادى، بۇل كەيىنگى جىلداردا تىركەلگەن ەڭ كوپ ءوسىم. وڭىرلەر بويىنشا، باتىس قازاقستان وبلىسىندا باعا 79،7%-كە، استانادا 68،4%-كە، الماتىدا 44،7%-كە ارتقان.
باعا شامالى عانا كوتەرىلگەن ايماقتار – پاۆلودار وبلىسى (جىلىنا 7،7%)، اباي وبلىسى (13،6%) مەن الماتى قالاسى (18،6%).