قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى جولداۋىندا مادەنيەتتىڭ دامۋىنا باسا نازار اۋداردى.
الماتىدا مادەني ينفراقۇرىلىمدى جاقسارتۋ جونىندەگى مىندەتتەر قالاي جۇزەگە اسىرىلىپ جاتقاندىعى تۋرالى مەگاپوليستىڭ مادەنيەت باسقارماسىنىڭ باستىعى عاني مايلىبايەۆ وڭىرلىك كوممۋنيكاسيالار قىزمەتىنىڭ بريفينگىندە ايتتى، دەپ حابارلايدى Almaty-akshamy.kz.
سپيكەر مەملەكەت باسشىسىنىڭ سوزىندە مادەنيەت سالاسىنىڭ الدىنا اۋقىمدى مىندەتتەر قويىلعانىن، اسىرەسە ونىڭ تالانتتى وكىلدەرىن، ەلدىڭ دامۋىنداعى زيالى قاۋىمنىڭ رولىنە ەرەكشە ءمان بەرىلگەنىن ايتتى.
سپيكەر الماتى قالاسىنىڭ اكىمى باقىتجان ءابدىر ۇلى ساعىنتايەۆتىڭ تاپسىرماسىمەن «الماتى - 2050» ستراتەگياسى اياسىندا مادەنيەت سالاسىندا تۇرعىنداردى قالانىڭ مادەني ومىرىنە تارتۋ، مادەني قۇندىلىقتارعا قولجەتىمدىلىكتى ارتتىرۋ مىندەتى بەلگىلەنگەنىن اتاپ ءوتتى.
«العا قويىلعان مىندەتتى شەشۋ ءۇشىن ءبىز كەلەسى باستامالاردى جۇزەگە اسىرۋدامىز. بىرىنشىدەن – قالانىڭ مادەني وبەكتىلەرىن بارشا تۇرعىندار مەن حالىق ءۇشىن بارىنشا قولجەتىمدى ەتۋ. ەكىنشىدەن – ءداستۇرلى حالىق مادەنيەتىن قولداۋ. ۇشىنشىدەن – مادەني ونىمدەردى الەمدىك نارىققا شىعارۋ»، - دەپ حابارلادى ع. مايلىبايەۆ.
ق.-ج. توقايەۆ ءوزىنىڭ جولداۋىندا كەلەر جىلدان باستاپ مادەنيەت قىزمەتكەرلەرىنىڭ جالاقىسى كوتەرىلەتىنىن، سونداي-اق ءبىلىم مەن دەنساۋلىق ساقتاۋ سالاسىندا قولدانىستا بولعان الەۋمەتتىك جەڭىلدىكتەر بەرىلەتىنىن ايتتى.
الماتى قالاسى يۋنەسكو-نىڭ كرەاتيۆتى قالالار جەلىسىنە مۇشە بولۋىنىڭ ارقاسىندا «مۋزىكا» شىعارماشىلىق باعىتى بويىنشا بۇكىل الەمگە تانىمال. جىل سايىن قالادا «ورەn-air» فورماتىندا 100-گە جۋىق ءىرى مادەني-بۇقارالىق ءىس-شارالار وتكىزىلەدى. ءتىپتى پاندەميالىق رەجيمدە بۇل سالا دامۋىن جالعاستىرۋدا.
الماتىنىڭ مادەني ينفراقۇرىلىمىندا 160 مادەني وبەكتىلەر مەن ۇيىمدار ويداعىداي جۇمىس جاساۋدا.