جاڭارعان كىتاپحاناعا كەلۋشىلەر سانى 60%-دان اسقان.
الماتى كىتاپحانالارى جاڭا جۇمىس فورماتىنا كوشتى. بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى كەزىندە قالالىق مادەنيەت باسقارماسىنىڭ باسشىسى عاني مايلىبايەۆ مالىمدەدى، دەپ حابارلايدى Almaty-akshamy.kz.
مەگاپوليستىڭ ورتالىقتاندىرىلعان كىتاپحانالار جۇيەسىنىڭ وبەكتىلەرىن مودەرنيزاسيالاۋ الماتى اكىمى باقىتجان ساعىنتايەۆتىڭ تاپسىرماسىنا سايكەس جۇرگىزىلۋدە.
عاني مايلىبايەۆتىڭ مالىمەتىنشە، قالانىڭ 16 كىتاپحاناسى مودەرنيزاسيالاندى. فورماتتىڭ جاڭارۋىنان كەيىن كەلۋشىلەر سانى 60%-دان اسقان. كىتاپحاناعا جوندەۋ جۇمىستارى جۇرگىزىلگەنگە دەيىن 758 000 ادام كەلسە، بۇگىندە كەلۋشىلەردىڭ سانى 1 260 000 ادامدى قۇرايدى.
جاڭا كىتاپحانالار سىرتقى كەلبەتىن وزگەرتىپ قانا قويماي، جۇمىس رەجيمىن دە وزگەرتتى. ەندى ولار اپتا بويىنا كۇن سايىن 9.00-دەن 20.00-گە دەيىن جۇمىس ىستەيتىن بولادى. مودەرنيزاسيادان كەيىن ءار كىتاپحانادا ورىندار سانى ارتتى، جەكە جۇمىسقا، قارىم-قاتىناسقا، ءىس-شارالارعا جانە ينتەرنەت-بولمەلەرگە ارنالعان ءتۇرلى بۇرىشتار قۇرىلدى.
عاني مايلىبايەۆ كىتاپحانالارعا جاڭا تىنىس بەرىلگەنىن، مۇندا تەگىن شىعارماشىلىق ۇيىرمەلەر وتكىزىلەتىنىن، ادەبي سۋرەت زالدارى مەن شەبەرلىك سىنىپتارى ۇيىمداستىرىلعانىن ايتادى. مودەرنيزاسيادان كەيىن 90-نان استام ۇيىرمە قۇرىلدى، وعان 9 400-دەن استام ادام قاتىسادى.
«بيىل بوستاندىق جانە مەدەۋ اۋداندارىنىڭ تاعى 2 قالالىق كىتاپحانالارى مودەرنيزاسيالانادى»، - دەدى عاني مايلىبايەۆ.