الماتىنىڭ ۇلكەن الماتى شىڭىندا ەلىمىزدەگى العاشقى اۆتوماتتى تاۋعا شىعۋدى ەسەپكە الۋشى قۇرىلعى ورناتىلدى، دەپ حابارلايدى aqshamnews.kz
جوبا قالالىق تۋريزم باسقارماسى تاراپىنان تۋريستىك ينفراقۇرىلىمدى دامىتۋ جانە بەلسەندى ءارى ەكولوگيالىق دەمالىس سالاسىنا سيفرلىق تەحنولوگيا ەنگىزۋ اياسىندا جۇزەگە اسىرىلىپ وتىر.
ماقسات – تاۋعا شىعۋشىلاردىڭ بەلسەندىلىگىن ءدال ەسەپتەۋ. قۇرىلعى تانىمال تاۋ باعىتتارىندا ورلەۋدىڭ سانىن تىركەپ، كەلۋشىلەر ستاتيستيكاسىن قالىپتاستىرۋعا، مارشرۋتتارداعى جۇكتەمەنى تالداۋعا جانە ءقاۋىپسىز ءارى تۇراقتى تۋريزم جۇيەسىن دامىتۋعا مۇمكىندىك بەرەدى.
قۇرىلعى اۋا رايىنىڭ كەز كەلگەن جاعدايىندا جۇمىس ىستەيدى جانە ورلەۋدى ادامسىز ءوزى-اق اۆتوماتتى تۇردە ەسەپتەيدى. جينالعان مالىمەتتەر تۋريستەر سانىن تالداۋ، ناۆيگاسيا جۇيەسىن جەتىلدىرۋ جانە تاۋداعى قاۋىپسىزدىك دەڭگەيىن ارتتىرۋ ماقساتىندا پايدالانىلادى.
قازان ايىنىڭ سوڭىنا دەيىن وسىنداي قۇرىلعىلار قانىش ساتبايەۆ (سوۆەتوۆ) جانە جاستار شىڭىنا ورناتىلادى.
مۇنداي جۇيەلەر تاۋ ءتۋريزمى دامىعان شۆەيساريا، اۆستريا، جاڭا زەلانديا مەن نورۆەگيا سىندى ەلدەردە كەڭىنەن قولدانىلادى. وندا ەسەپكە الۋشى قۇرىلعىلار ماۋسىمدىق جۇكتەمەنى باقىلاۋعا، تۋريستەر سانىن رەتتەۋگە جانە تابيعي ەكوجۇيەلەردى ساقتاۋعا كومەكتەسەدى. الماتى دا وسى وزىق تاجىريبەنى ىلە الاتاۋىنىڭ تابيعي ەرەكشەلىكتەرىنە بەيىمدەپ ەنگىزىپ وتىر.
تۋريزم باسقارماسى ساياحاتشىلاردان ورناتىلعان جابدىققا ۇقىپتى قاراۋدى جانە قۇرىلعىنى قولمەن باسپاۋىن سۇرايدى. بۇل ناقتى ستاتيستيكالىق دەرەكتەردى انىقتاۋ ءۇشىن قاجەت.