قىركۇيەكتە الماتى قالاسىنداعى ادك ستاديونىندا قازاقستاننىڭ جوعارعى ليگاسى كوماندالارى اراسىندا رەگبي-7 بويىنشا ءتورتىنشى تۋر ويىندارى ءوتتى. بىرىنشىلىك جەڭىمپازى بەس تۋر قورىتىندىسى بويىنشا انىقتالادى. بۇل جولى دا ويىندار اسا قىزىقتى ءارى تارتىستى ءوتتى. كوماندالار ەكى توپقا ءبولىنىپ، بارلىعى جەتى ۇجىم ب ا ق سىنادى.
فينالدىق الماتى وبلىسىنىڭ «بەيبارىس» كومانداسى مەن استانا قالاسىنىڭ قۇراماسى كەزدەسىپ استانالىقتار 27:0 ەسەبىمەن جەڭىسكە جەتتى
ءۇشىنشى ورىن ءۇشىن تارتىستى ويىن اقتاۋدىڭ «كاسپيي» كومانداسى مەن الماتىنىڭ «گۆارديا-دينامو» ۇجىمىنىڭ اراسىندا ءوتتى. تاجىريبەلى «كاسپيي» بۇل كەزدەسۋدە 36:10 ەسەبىمەن جەڭىسكە جەتىپ، ءتۋرنيردىڭ جۇلدەلى ءۇشىنشى ورنىنا يە بولدى.
ال ءار تۋر سايىنعى باستى باسەكە بيىل دا ءداستۇرلى سيپات الدى – فينالدا تاعى دا الماتىنىڭ «ازيا-سپورت دينامو» جانە تالدىقورعاننىڭ «وليمپ» كاسىبي رەگبي كلۋبى كەزدەستى. بۇل ەكى كوماندا – ەلىمىزدەگى ەڭ مىقتى ۇجىمدار، سوندىقتان ولاردىڭ كەزدەسۋى ءاردايىم كورەرمەنگە قىزىقتى ءارى تارتىستى ويىن سىيلايدى. قوس ۇجىم ءبىر-بىرىنىڭ ءستيلىن جاقسى مەڭگەرگەن. قازاقستان قۇراماسىنىڭ نەگىزگى قۇرامى دا وسى ەكى كوماندانىڭ ويىنشىلارىنان جاساقتالعان.
بۇل جولعى باسەكەدە الماتى كومانداسى 26:5 ەسەبىمەن ايقىن باسىمدىقپەن جەڭىسكە جەتتى.
ايتا كەتۋ كەرەك، سوڭعى جىلدارى ەلىمىزدە ەرلەر مەن ايەلدەر قۇرامالارىنىڭ رەگبي-7 ويىنىنداعى دەڭگەيى ايتارلىقتاي جاقساردى. بۇعان وڭتۇستىك افريكا رەسپۋبليكاسىنان (وار) كەلگەن بىلىكتى باپكەرلەردىڭ ۇلەسى زور. ايەلدەر قۇراماسىنا كەڭەسشى رەتىندە قوسىلعان — فابيان دجۋريس. ال ەرلەر قۇراماسىنىڭ باس جاتتىقتىرۋشىسى بولىپ ليۋدۆيچ گەرمانۋس تاعايىندالدى. سونىمەن قاتار، ەرلەر مەن ايەلدەر قۇرامالارىنىڭ جالپى دايىندىعىنا جاۋاپتى جاتتىقتىرۋشى قىزمەتىن يوحاننەس زارياشقاريس اتقارادى.
2025 جىلدىڭ تامىز ايىندا قازاقستان رەگبي فەدەراسياسى ەرلەر مەن ايەلدەر كوماندالارى ءۇشىن وار-دا ءۇش اپتالىق وقۋ-جاتتىعۋ جيىندارىن ۇيىمداستىردى. بۇل جيىندار كوماندالار ءۇشىن وتە پايدالى ءارى ناتيجەلى بولدى. ايەلدەر قۇراماسىنىڭ جاتتىقتىرۋشىسى سۆەتلانا كليۋچنيكوۆا جيىن بارىسىندا كوپتەگەن جاڭا يدەيالار، ستراتەگيالىق تاسىلدەر مەن زاماناۋي جاتتىعۋ ادىستەرىن ۇيرەنگەنىن اتاپ ءوتتى. جيىن بارىسىندا ءبىزدىڭ قۇرامالار وار پرەمەر-ليگاسىنىڭ كوماندالارىمەن جولداستىق كەزدەسۋلەر وتكىزدى. قارسىلاستارمەن تەڭ دارەجەدە ويناپ، بىردە جەڭىپ، بىردە جەڭىلىپ وتىردى. ال الەم چەمپيونى سانالاتىن وار قۇراماسىنا قارسى ويىندا ءبىزدىڭ ويىنشىلار ەسە جىبەردى.
قازاقستان قۇراماسىنىڭ كاپيتانى راسۋلماگومەد ماگومەدوۆ بۇل جيىنداردىڭ جوعارى دەڭگەيدە وتكەنىن، الەمدىك دەڭگەيدەگى ۇزدىك كوماندالارمەن كەزدەسىپ، تاجىريبە جيناعاندارىن ايتتى. ونىڭ ايتۋىنشا، وار كوماندالارى وتە جىلدام ءارى تەحنيكالىق جاعىنان جاقسى وينايدى، ال ءبىزدىڭ قۇرامالار كۇشتى ءارى فيزيكالىق قارىمىمەن ەرەكشەلەنەدى.
الداعى ۋاقىتتا قازاقستان قۇرامالارى ومان مەملەكەتىندە وتەتىن ازيا ليگاسىنا ىرىكتەۋ تۋرنيرىنە قاتىسىپ ب ا قتارىن سىناپ، ازيانىڭ جوعارى ديۆيزيونىنا جولداما الۋعا تىراسادى.
ءۇمىتىمىز زور — كاسىبي مامانداردىڭ جەتەكشىلىگىمەن وتاندىق رەگبيشىلەرىمىز جاڭا بەلەستەردى باعىندىرادى دەپ سەنەمىز.