13 ساۋىردە ساعات 13:17-دە "109" نومىرىنە الماتى قالاسىنىڭ قۇتقارۋ قىزمەتىنە "مولودەجنىي" شىڭى اۋدانىندا كوشكىنگە ەكى ادام ءتۇسىپ كەتكەنى تۋرالى شاقىرتۋ ءتۇستى.
الماتى قالاسى "109" قىزمەتىنەن زارداپ شەككەندەردى ىزدەۋگە كينولوگتارمەن بىرنەشە توپ قۇتقارۋشىلار جىبەرىلدى، ونىڭ ىشىندە ەكى توپ الماتى قالاسى قۇتقارۋ قىزمەتىنىڭ تاۋ-كەن قۇتقارۋ بازاسىنان.
العاشقى زارداپ شەككەن ادامدى ءتۇرلى جاراقاتتارمەن ءتىرى تاۋىپ الدى، ونى الماتى قالاسىنىڭ قۇتقارۋ قىزمەتىنىڭ مي-8 تىكۇشاعىمەن "مەدەۋ" سسك اۋدانىنا جەتكىزدى، وندا ول ستاسيونارعا جەتكىزۋ ءۇشىن "اپاتتار مەديسيناسى ورتالىعىنىڭ" دارىگەرلەرىنە بەرىلدى. ءبىراز ۋاقىتتان كەيىن ەكىنشى جابىرلەنۋشى تابىلدى، ءبىراق، وكىنىشكە وراي، ءومىر بەلگىلەرى جوق.
ىزدەستىرۋ-قۇتقارۋ وپەراسياسىنا: "تۇيىقسۋ" كسپ جانە ق ر تجم رجقج قۇتقارۋشىلارى، سونداي-اق الماتى قالاسى تجد جانە "قازسەلدەنقورعاۋ" قىزمەتكەرلەرى جۇمىلدىرىلدى.
الماتى قالاسىنىڭ قۇتقارۋ قىزمەتىنەن 25 قۇتقارۋشى، ونىڭ ىشىندە 2 كينولوگ، 1 ىزدەستىرۋ-قۇتقارۋ ءيتى، 5 ارنايى تەحنيكا جانە 1 مي-8 تىكۇشاعى جۇمىلدىرىلدى.
*الماتى قالاسى اكىمى اپپاراتىنىڭ "الماتى قالاسىنىڭ قۇتقارۋ قىزمەتى" شجق مكك باسپا ءسوز قىزمەتى*