الماتى وبلىسىنىڭ ىلە-الاتاۋ ۇلتتىق پاركىندەگى تابيعات قورعاۋ ايماعىندا 9 مەترلىك جاياۋ جۇرگىنشىلەر كوپىرى سالىندى، دەپ حابارلايدى aqshamnews.kz.
بۇل كوپىر تەررا الاڭىنا باراتىن تۋريستىك مارشرۋتتاعى وزەننەن ءوتۋ ءۇشىن ورناتىلعان. جاڭا قۇرىلىس تابيعات اياسىندا سەرۋەندەيتىندەرگە وزەننەن ءقاۋىپسىز ءوتۋ مۇمكىندىگىن بەرەدى.
سونىمەن قاتار، بيىل ىلە-الاتاۋ ۇلتتىق پاركىندە ءۇش جاڭا كەمپينگ ايماعى اشىلدى. بۇل ايماقتار كىشى الماتى شاتقالىندا (الپەنگراد)، تيتوۆا كولى ماڭىندا جانە تەررا الاڭىندا ورنالاسقان. ءاربىر ايماقتا تۋريستەر ءۇشىن جەڭىل كەمپينگ قۇرىلىمدارى ورناتىلعان، بۇل تۋريستەرگە تابيعاتقا جاقىن بولا وتىرىپ، كومفورتتى دەمالىس وتكىزۋ مۇمكىندىگىن قامتاماسىز ەتەدى.