«قازگيدرومەت» سينوپتيكتەرىنىڭ مالىمەتى بويىنشا، قاراشا ايىنىڭ ەكىنشى جارتىسىندا ەلىمىزدىڭ بىرنەشە وڭىرىندە اۋا تەمپەراتۋراسى −24 گرادۋسقا دەيىن تومەندەۋى مۇمكىن، دەپ حابارلايدى aqshamnews.kz.
الداعى كۇندەرى قازاقستاننىڭ كوپ بولىگىندە جاۋىن-شاشىن كۇتىلۋدە. وڭتۇستىكتە قار ارالاس جاڭبىر، ال سولتۇستىك جانە باتىس وڭىرلەردە قار مەن بوران بولاتىنى بولجانىپ وتىر. ەلدىڭ باسىم اۋماعىندا جەل كۇشەيەدى.
قاراشا ايىنىڭ ورتاسىنان باستاپ ەلىمىزگە انتيسيكلون اسەر ەتەدى. سۋىق اۋا ماسسالارىنىڭ ەنۋى ناتيجەسىندە رەسپۋبليكانىڭ سولتۇستىك، ورتالىق جانە شىعىس ايماقتارىندا تەرمومەتر كورسەتكىشتەرى −15–24 گرادۋسقا دەيىن تومەندەۋى مۇمكىن. ال باتىس جانە وڭتۇستىك ايماقتاردا تەمپەراتۋرا −3–15 گرادۋس ارالىعىندا بولادى.
الايدا، ايازدان كەيىن سينوپتيكتەردىڭ بولجامىنا سايكەس، قازاقستاندا كۇن كۇرت جىلىنادى دەپ كۇتىلۋدە. وڭتۇستىك-شىعىس ازيا مەن جەرورتا تەڭىزىنەن كەلگەن اۋا ماسسالارى ەلدىڭ كوپ بولىگىندە تەمپەراتۋرانىڭ +3–8 گرادۋسقا دەيىن كوتەرىلۋىنە سەبەپ بولادى. وڭتۇستىكتە تەمپەراتۋرا +15 گرادۋسقا دەيىن جىلىنۋى مۇمكىن.