2025 جىلعى 23–24 قىركۇيەك كۇندەرى الماتى قالاسىندا ق ر وقۋ-اعارتۋ مينيسترلىگىنىڭ تاپسىرماسىنا سايكەس رەسپۋبليكالىق قوسىمشا ءبىلىم بەرۋ وقۋ-ادىستەمەلىك ورتالىعى ۇيىمداستىرعان «بوياۋلار قۇپياسى» رەسپۋبليكالىق جاس سۋرەتشىلەر بايقاۋى ءوتتى.
بۇل بايقاۋعا ەلىمىزدىڭ بارلىق وبلىستارىنان، سونداي-اق استانا، الماتى جانە شىمكەنت قالالارىنان 120-دان استام جاس سۋرەتشى قاتىسىپ، وزدەرىنىڭ شىعارماشىلىق قابىلەتتەرىن تانىتتى.
ءبىرىنشى كۇن الماتى قالاسىنداعى قاراساي اۋدانىندا ورنالاسقان «ورنەك» لاگەرىندە ءوتتى. قاتىسۋشىلار وسى كۇنى كونكۋرس تاپسىرمالارىن ورىنداپ، شىعارماشىلىق جۇمىستارىن ازىرلەدى. بالالار شەبەرلىك ساعاتتارىنا قاتىسىپ، بىر-بىرىمەن تاجىريبە الماسىپ، شىعارماشىلىق ورتادا ەركىن جۇمىس ىستەۋ مۇمكىندىگىنە يە بولدى.
ەكىنشى كۇن – 24 قىركۇيەك – الماتى قالاسى وقۋشىلار سارايىندا سالتاناتتى تۇردە بايقاۋدىڭ جابىلۋ ءراسىمى ءوتتى. كورمە بارىسىندا جاس سۋرەتشىلەردىڭ ۇزدىك جۇمىستارى جۇرتشىلىق نازارىنا ۇسىنىلدى. ءادىلقازىلار القاسى قاتىسۋشىلاردىڭ ەڭبەكتەرىن باعالاپ، جەڭىمپازداردى انىقتادى.
بايقاۋ ءۇش نوميناسيا بويىنشا ءوتتى
- «قازاقستان بوياۋلارى: مەنىڭ شاڭىراعىم – قازاقستان رەسپۋبليكاسى»
- «ءتىرى عالامشار»
- «بەيبىتشىلىك پەن مەيىرىمدىلىك ءبىزدىڭ قولىمىزدا»
جەڭىمپازدار ديپلومدارمەن جانە باعالى سىيلىقتارمەن ماراپاتتالدى. بارلىق قاتىسۋشىلارعا ارنايى سەرتيفيكاتتار تابىستالدى.
جەڭىمپازداردى ماراپاتتاعان الماتى قالاسى ءبىلىم باسقارماسى باسشىسىنىڭ ورىنباسارى بيبىگۇل مالعاجداروۆا وسكەلەڭ ۇرپاقتىڭ بويىندا پاتريوتتىق سەزىمدى تاربيەلەۋدە ماڭىزدى ءرول اتقاراتىن وسىنداي ءىس-شارالاردى وتكىزۋدىڭ ماڭىزدىلىعىنا توقتالدى. ول ەكى كۇنگە سوزىلاتىن جارىستىڭ وتەتىن ورنىن دا اتاپ ءوتتى.
«بۇل رەسپۋبليكالىق دەڭگەيدەگى جارىستىڭ الماتىدا جانە ەلىمىزدەگى ەڭ جاقسى اۋىلدىق بالالار لاگەرىنىڭ ءبىرى – «ورنەك» مەكتەپ وقۋشىلارى لاگەرىندە وتكەنى كوڭىلگە قونىمدى. بۇل ولاردىڭ جاڭا وقۋ جىلىندا وقۋىن ناتيجەلى جالعاستىرۋىنا مۇمكىندىك بەرەدى»، - دەيدى بيبىگۇل مالعاجداروۆا.
«بوياۋلار قۇپياسى» رەسپۋبليكالىق جاس سۋرەتشىلەر بايقاۋى – بالالاردىڭ شىعارماشىلىق الەۋەتىن دامىتۋعا، قيالىن ەركىن جەتكىزۋگە، پاتريوتيزم مەن ۇلتتىق قۇندىلىقتاردى قۇرمەتتەۋگە باعىتتالعان بىرەگەي جوبا. بايقاۋ بارىسىندا جاسوسپىرىمدەر وزدەرىنىڭ ونەرگە دەگەن سۇيىسپەنشىلىگىن كورسەتىپ قانا قويماي، جاڭا دوستار تاۋىپ، شىعارماشىلىق بايلانىستارىن نىعايتتى.