الماتى قالاسىنىڭ اكىمى دارحان ساتىبالدى رەنوۆاسيا باعدارلاماسى بويىنشا 1950-1960 جىلدارى سالىنعان ەسكى ۇيلەر ورنالاسقان روزىباكييەۆ – كاتايەۆ – رادوستوۆەس كوشەلەرىنىڭ اۋماعىنداعى جاعدايمەن تانىستى.
اۋداندا «Camh Realty» ج ش س كومپانياسى «ناسلەديە» تۇرعىن ءۇي كەشەنىنىڭ قۇرىلىسىن جۇرگىزۋدە، سونداي-اق «ۆەك-تۇمار» ج ش س جانە «پكس» ج ش س كومپانيالارى دا ەسكى ۇيلەرگە قاتىستى جۇمىستارمەن اينالىسىپ جاتىر.
تۇرعىندار 2030 جىلعا دەيىن توزىعى جەتكەن جانە جاڭارتۋ باعدارلاماسىنا ەنگىزىلگەن ۇيلەرى شەشىمسىز قالا ما دەگەن الاڭداۋشىلىقتارىن دا جەتكىزدى.
دارحان ساتىبالدى تۇرعىنداردىڭ مۇددەلەرىنە باسىمدىق بەرۋ كەرەكتىگىن اتاپ ءوتتى.
«ينۆەستورلاردىڭ ادامداردى توزىعى جەتكەن ەسكى ۇيلەرىندە قالدىرىپ، تەك بوس جاتقان نەمەسە ەڭ تارتىمدى جەرلەردى تاڭداۋىنا جول بەرمەۋ كەرەك. ەگەر كومپانيا اۋماقتى السا، وندا ونىمەن بىرگە ەسكى تۇرعىن ءۇيدى بۇزۋ جانە قونىستاندىرۋ ماسەلەسىن شەشۋگە دە مىندەتتى. ءبىز بارلىق تاراپتاردى ءبىر ۇستەل باسىنا جيناپ، ناقتى شەشىمدەردى تالاپ ەتەتىن بولامىز. ەگەر قۇرىلىس سالۋشىلار ودان جالتارسا، ولاردى بۇل جوبالاردان شەتتەتەمىز»، - دەدى اكىم.
كەزدەسۋ قورىتىندىسى بويىنشا ساۋلەت جانە قالا قۇرىلىسى باسقارماسى قۇرىلىس سالۋشىلارمەن بىرلەسىپ، قايتا جاڭارتۋ باعدارلاماسىنا ەنگىزىلگەن جەر تەلىمدەرىنىڭ سالىنىپ جاتقان ءبىلىم بەرۋ مەكەمەسىنىڭ شەكاراسىمەن تۇيىسپەۋىن ناقتىلاۋ جونىندە ۋاعدالاستىققا قول جەتكىزىلدى.