الماتى قالالىق ءماسليحاتىنىڭ دەپۋتاتى بەيبىت قۇسايىنوۆ كەڭەيتىلگەن جيىندا قالادا ەلەكتر ساموكاتتارىن جالعا بەرۋدى تولىقتاي توقتاتۋ باستاماسىن كوتەردى، - دەپ حابارلايدى Aqshamnews.kz.
دەپۋتاتتىڭ ايتۋىنشا، جالداۋ قىزمەتى تەك ءقاۋىپسىز پايدالانۋ شارتتارى تولىق ورىندالعاننان كەيىن عانا قايتا ىسكە قوسىلۋى ءتيىس.
كەيىنگى كەزدەرى الماتىدا ساموكات قاۋىپسىزدىگى ماسەلەسى ءجيى تالقىلانىپ ءجۇر. تەك ءبىر كۇندىك رەيد بارىسىندا پوليسيا 800-دەن استام جول ەرەجەسىن بۇزۋ فاكتىسىن انىقتاپ، 250-دەن استام ساموكاتتى تاركىلەگەن.
«ءبىز قالادا ەلەكتروساموكاتتار، موپەدتەر مەن ەلەكتروبايكتار ماسەلەسىن تالقىلادىق. بۇگىندە ولاردىڭ قوزعالىسى ناقتى ەرەجەلەرمەن رەتتەلمەگەن: جىلدامدىق شەكتەلمەگەن، تۇراقتار رەتسىز، ال كوپشىلىك قولدانۋشىلار جول ەرەجەسىن مۇلدە بىلمەيدى»، – دەپ جازدى قۇسايىنوۆ