كۆاندجۋ قالاسىندا (وڭتۇستىك كورەيا) ساداق اتۋدان الەم چەمپيوناتى جالعاسىپ جاتىر.
جارىس اياسىندا بلوكتىق ساداق اتۋدان جەكەلەي سايىستار ءوتتى. قازاقستان قۇراماسىنىڭ قوس وكىلى ۇزدىك وندىققا ەندى، - دەپ حابارلايدى Aqshamnews.kz ۇوك-كە سىلتەمە جاساپ.
اندرەي تيۋتيۋن مەن روكسانا يۋنۋسوۆا جارىستى توعىزىنشى ورىنمەن اياقتادى.
قازاقستاندىق مەرگەندەر الەم بىرىنشىلىگىندە 1/8 فينالعا دەيىن جەتتى.
ايتا كەتەيىك، ۇلتتىق قۇراما ايەلدەر اراسىنداعى كوماندالىق سايىستا قولا مەدالعا يە بولدى. بۇل جەتىستىككە روكسانا يۋنۋسوۆا، ادەل جەكسەنبينوۆا جانە ۆيكتوريا ليان قول جەتكىزدى.