الماتى پروكۋرورى بەرىك جۇيرىكتايەۆ بريفينگتە سويلەگەن سوزىندە 5 قاڭتاردان باستاپ قالادا تەك بانديتتەر مەن تەرروريستەر شابۋىل جاساعانىن اتاپ ءوتتى. ولاردىڭ مىنەز-قۇلقى، دايىندىعى، قاتىگەزدىگى جانە ىس-ارەكەتتەرىنىڭ سينحروندىلىعى ۇيىمشىلدىقتى كورسەتەدى، دەپ حابارلايدى Almaty-akshamy.kz.
«العاشقى كۇننەن باستاپ مەن جانە پروكۋراتۋرانىڭ بارلىق قىزمەتكەرلەرى وقيعالاردىڭ تۋرا ورتاسىندا بولدىق. ءبىز بانديتتەردىڭ ۇيىمداسقان اگرەسسياسىن كوردىك. ولار ارنايى تەحنيكانى، ءورت ءسوندىرۋ ماشينالارىن، اۆتوبۋستاردى باسىپ الىپ، قۇقىق قورعاۋ كۇشتەرىن تاراتتى. بارلىق جەردە بەينەباقىلاۋ كامەرالارى جويىلدى. قىلمىس جاساۋ ءۇشىن برۋسچاتكا مەن قولدا بار باسقا دا قارۋلاردى پايدالاندى»، - دەپ اتاپ ءوتتى الماتى پروكۋرورى.
ول قالادا بارلىق جەكە قۇرام ورنالاسقان پروكۋراتۋرا عيماراتتارىنىڭ ءبىرى ورتەنگەنىن ايتتى. تجم كۇشتەرى تاراپىنان جاسالعان باتىل ءىس-قيمىلداردىڭ ارقاسىندا جالىندى سوندىرۋگە، قىزمەتكەرلەردى ەۆاكۋاسيالاۋعا مۇمكىندىك بولدى، ولار جانىپ جاتقان عيماراتتان قۇتقارىلدى.
ب. جۇيرىكتايەۆ قىلمىسكەرلەردىڭ اڭشىلىق دۇكەندەرىن ماقساتتى تۇردە باسىپ الىپ، پوليسياعا شابۋىل جاساعانىن اتاپ ءوتتى. ولارعا قۇقىق قورعاۋ ورگاندارىنا شابۋىل جاساۋ، بەيبىت تۇرعىنداردى قورقىتۋ جانە تەرروريستىك شابۋىلداردى جالعاستىرۋ ءۇشىن قارۋ قاجەت بولدى. عيماراتتار قيرادى، ءورت جانە مەديسينالىق كومەك جۇمىسى بۇعاتتالدى. سول كەزدە قۇقىق قورعاۋ ورگاندارى بۇل بۇل اشىنعان ميتينگىشىلەر دەپ سانادى. سوندىقتان، جاسالعان بارلىق قىلمىستارعا قاراماستان، كۇش قۇرىلىمدارى قارۋ قولدانبادى.
«ءقازىر ءبىز سودىرلاردىڭ نارازىلىق اكسيالارىن ءوز ماقساتتارى ءۇشىن قولدانعانىن تۇسىنەمىز. كوشەلەرگە شىققان بەيبىت تۇرعىنداردى ولار قالقان رەتىندە پايدالاندى»، - دەپ اتاپ ءوتتى الماتى پروكۋرورى.
ونىڭ ايتۋىنشا، 5 قاڭتاردان باستاپ قالادا تەك بانديتتەر مەن تەرروريستەر شابۋىل جاساعان. بۇل ەندى بەيبىت نارازىلىق ەمەس
«ءبىز تەرروريزم اكتىسىنە تاپ بولدىق. قالا اكىمدىگىنىڭ عيماراتى، اۋەجاي مەن پرەزيدەنت رەزيدەنسياسى باسىپ الىندى. ءىس - ارەكەتتەردىڭ سيپاتى، دايىندىعى، قاتىگەزدىگى مەن ۇيلەسىمدىلىگى ولاردىڭ ۇيىمداسقاندىعىن كورسەتەدى»، - دەدى ب. جۇيرىكتايەۆ.
ول قازا بولعانداردىڭ تۋىستارى مەن جاقىندارىنا، سونداي-اق زارداپ شەككەندەردىڭ بارلىعىنا كوڭىل ايتتى.
الماتى پروكۋرورىنىڭ ايتۋىنشا، بۇگىندە قالاداعى جاعداي تۇراقتى.