249 تۇلعا قاماۋعا الىندى
بۇل تۋرالى الماتى قالاسىنىڭ پروكۋرورى بەرىك جۇيرىكتايەۆ حابارلادى. ونىڭ ايتۋىنشا، مەگاپوليستەگى جاپپاي تارتىپسىزدىكتەردەن پوليسيا 405 قىلمىستىق ءىستى تەكسەرىپ جاتىر، دەپ حابارلايدى Almaty-akshamy.kz Baq.kz-كە سىلتەمە جاساپ.
ءار قۇقىق بۇزۋشىعا جەكە قاراپ، جاسالعان ارەكەتتەردىڭ سيپاتى مەن اۋىرلىق دەڭگەيىنە باعالاۋ جۇرگىزەمىز. بارلىق وسى مىندەتتەمەلەردى ەسەپكە الا وتىرىپ، قالا پروكۋراتۋراسى 71 تۇلعاعا قاتىستى اكىمشىلىك جازانى جۇمسارتتى. ۋاقىتشا ۇستاۋ يزولياتورىنان 91 تۇلعانى بوساتتىق، - دەدى ول.
سونىمەن قاتار پروكۋرور قازىرگى تاڭدا تەرگەلىپ جاتقان 405 قىلمىستىق ءىس بويىنشا قانشا ادام قاماۋعا الىنعانىن ايتتى.
قۇقىق قورعاۋ ورگاندارى 405 قىلمىستىق ىسكە قاتىستى 249 تۇلعانى قاماۋعا الدى، - دەپ اتاپ ءوتتى بەرىك جۇيرىكتايەۆ.
تەرروريستەر مەن توناۋشىلاردىڭ كەسىرىنەن قالاداعى 2 مىڭنان استام نىسان زارداپ شەككەن. قازىرگى تاڭدا قوعامدىق قاۋىپسىزدىكتى قالپىنا كەلتىرۋ بويىنشا ءىس-شارالار قولدانىلىپ جاتىر.