ولاردىڭ كوپشىلىگى اعىمداعى جىلدىڭ قاڭتار ايىنىڭ باسىنداعى جاپپاي تارتىپسىزدىكتەر كەزىندە قارۋ-جاراق دۇكەندەرىنەن ۇرلانعان.
الماتى پوليسياسىنا ازاماتتار ءوز ەركىمەن 25 اتىس قارۋىن اكەلگەن، دەپ حابارلايدى Almaty-akshamy.kz Polisia.kz سايتىنا سىلتەمە جاساپ.
ماسەلە تىركەلمەگەن اتىس قارۋى تۋرالى بولىپ وتىر، ولاردىڭ كوپشىلىگى اعىمداعى جىلدىڭ قاڭتار ايىنىڭ باسىنداعى جاپپاي تارتىپسىزدىكتەر كەزىندە قارۋ-جاراق دۇكەندەرىنەن ۇرلانعان.
«7 اقپاننان باستاپ الماتى قالاسىندا «قارۋ» جەدەل الدىن الۋ ءىس-شاراسى وتكىزىلۋدە. اتىس قارۋىن ساقتاۋ ەرەجەلەرىنە ەرەكشە نازار اۋدارىلاتىن بولادى. مۇنداي ءىس-شارا قالاداعى قىلمىستىق احۋالدىڭ جاقسارۋىنا وڭ اسەر ەتەدى. ەستەرىڭىزگە سالا كەتەيىك، قارۋ تابىلعان نەمەسە انىقتالعان جاعدايدا ازاماتتار ونى ءوز ەركىمەن قۇقىق قورعاۋ ورگاندارىنا تاپسىرۋى قاجەت، بۇل ولاردى قىلمىستىق جاۋاپكەرشىلىكتەن بوساتادى. جاقسى ءۇردىس: ازاماتتاردىڭ قۇقىقتىق ساۋاتتىلىق تانىتىپ، قارۋدى ءوز ەركىمەن تاپسىرۋ دەرەكتەرى بار»، – دەدى الماتى قالالىق پد اكىمشىلىك پوليسيا باسقارماسى باستىعىنىڭ ورىنباسارى بولاتبەك باياتانوۆ.
جەدەل الدىن الۋ ءىس-شارالارىن جۇرگىزۋ بارىسىندا الماتى قالاسى مەن الماتى، جامبىل وبلىستارىنىڭ اۋماقتارىندا پوليسيا قىزمەتكەرلەرى ۇرلانعان قارۋلاردىڭ 135 قارۋىن تاپتى جانە تاركىلەدى.
سونىمەن قاتار، قارۋ-جاراق دۇكەندەرىنە قاتىسى جوق 144 قارۋ كۇدىكتىلەردى ۇستاۋ جانە ءتىنتۋ كەزىندە تاركىلەندى. ۇرلانعان قارۋدى ىزدەۋ جالعاسۋدا.