قاڭتاردا قالاداعى 1527 كاسىپكەردىڭ مۇلكىنە نۇقسان كەلتىرىلگەن.
الماتىدا زارداپ شەككەن 1253 شوب سۋبەكتى وكىلدەرى وتەماقى الادى. بۇل تۋرالى پرەزيدەنتتىڭ قاتىسۋىمەن وتكەن ۇكىمەت وتىرىسىندا الماتى اكىمى ەربولات دوسايەۆ ءمالىم ەتتى، دەپ حابارلايدى Almaty-akshamy.kz.
ەربولات دوسايەۆ جاپپاي تارتىپسىزدىك كەزىندە زارداپ شەككەن شوب سۋبەكتىلەرىنىڭ 88 پايىزى الماتىعا تيەسىلى ەكەنىن اتاپ ءوتتى.
«الداعى 2-3 اپتادا كاسىبى زارداپ شەككەن بيزنەس وكىلدەرىنىڭ 82 پايىزى، ياعني 1253 سۋبەكتىسى وتەماقى الادى. قالعان 274 كاسىپكەرگە وتەماقى ساراپتاما جۇمىستارى اياقتالعان سوڭ تولەنەدى. جالپى، قاڭتار وقيعاسىندا قالادا 1527 كاسىپكەردىڭ مۇلكىنە نۇقسان كەلتىرىلگەن»، - دەدى الماتى اكىمى.
بۇدان بولەك، بيىل 50 مىڭ جاڭا جۇمىس ورنى قۇرىلماق. ونىڭ 31 مىڭى بيزنەس تاراپىنان اشىلادى. سونداي-اق قالا تۇرعىندارىنىڭ ناقتى تابىس كوزىن 5 پايىزعا، ال جالپى ىشكى ءونىم كولەمىن ءتورت جارىم پايىزعا ءوسىرۋ جوسپارلانىپ وتىر.