الماتى پوليسياسى ۇرلانعان كولىكتەردى جەر استى تۇراقتارىنان ىزدەپ جاتىر

اتالعان ىزدەستىرۋ ءىس-شارالارىن قالالىق كريميناليستيكالىق جانە اكىمشىلىك پوليسيا باسقارماسى قىزمەتكەرلەرى بىرلەسىپ جۇرگىزىپ جاتىر.

ءىس-شارا ماقساتى ىزدەۋ جاريالانعان جانە ۇرلانعان كولىكتەردى، سونداي-اق جەر استى تۇراقتارىنا گازباللون ورناتىلعان كولىكتەردىڭ كىرۋ فاكتىلەرىن انىقتاۋ، دەپ حابارلايدى Almaty-akshamy.kz.

Polisia.kzء-تىڭ مالىمەتىنشە، الماتى قالاسىندا “گازباللون” اتتى رەسپۋبليكالىق ءىس-شاراسى اياقتالدى. شارا بارىسىندا جەر استى تۇراقتارىندا گازباللون ورناتىلعان كولىكتەر انىقتالعان.

«ال بۇگىندە اتالعان شارا قىلمىستىق احۋالعا بايلانىستى ءارى قاراي وزگەرتىلدى. سەبەبى، كوبىنەسە ۇرلانعان نەمەسە ىزدەۋ جاريالانعان كولىكتەردى جەر استى تۇراقتارىنا جاسىرۋ ۇردىسكە اينالعان. مىسالعا، ءىس-شارا بارىسىنىڭ العاشقى تاۋلىگىندە ىزدەۋدە جۇرگەن ەكى كولىك اشكەرەلەندى. سونىمەن قاتار، گاز باللون ورناتىلعان كولىكتەرىن جەر استى تۇراقتارىنا قويعان 6 جۇرگىزۋشى اكىمشىلىك جاۋاپكەرشىلىككە تارتىلدى»، – دەپ مالىمدەدى الماتى قالاسى پوليسيا دەپارتامەنتى اكىمشىلىك پوليسيا باسقارماسى باستىعى اسحات كۇلبايەۆ.

سونداي-اق، ول اتالعان رەيدتتىك شارالار وتكىزۋ ءۇشىن ارنايى ءموبيلدى توپ قۇرىلعانىن جەتكىزدى.