بولات مۇساقاجى ۇلى، الماتى قالاسى قازاقستان حالقى اسسامبلەياسى اقساقالدار كەڭەسى ءتوراعاسىنىڭ ورىنباسارى:
- بۇگىن پرەزيدەنت قاسىم-جومارت توقايەۆ پارلامەنت پالاتالارىنىڭ بىرلەسكەن وتىرىسىندا «ادىلەتتى قازاقستاننىڭ ەكونوميكالىق باعدارى» اتتى قازاقستان حالقىنا كەزەكتى جولداۋىن جاريالادى.
وسىعان دەيىن قابىلدانعان ماڭىزدى مەملەكەتتىك باعدارلامالار مەن ساياسي قۇجاتتاردىڭ جالعاسى بولىپ تابىلاتىن بۇل جولعى جولداۋ حالىققا ەرەكشە ەكپىن بەردى دەگەن سەنىمدەمىن. ماڭىزدى قۇجاتتا مەملەكەتتى نىعايتۋ، ازاماتتاردىڭ قۇقىعىن قامتاماسىز ەتۋ، ەل ەكونوميكاسىن دامىتۋ، وتاندىق بيزنەستى قولداۋ، حالىقتى الەۋمەتتىك قورعاۋ ماسەلەلەرىنىڭ ماڭىزدىلىعى ايتىلدى.
ەلىمىزدىڭ جاستارى – ەلدىڭ باستى بايلىعى. پرەزيدەنت ءوز جولداۋىندا الداعى ۋاقىتتا وسكەلەڭ ۇرپاقتى ساپالى بىلىممەن قامتاماسىز ەتىپ، بارلىق جاعىنان قولداۋ كورسەتۋ ماڭىزدى ەكەنىنە توقتالدى. بۇل رەتتە "وقۋ ورىندارى تۇلەكتەرگە جۇمىس بەرە الاتىن مەكەمەلەرمەن ۇزاق مەرزىمگە ارنالعان ارىپتەستىك ورناتۋى قاجەت. ەكونوميكانىڭ باسىمدىقتارىنا، ايماقتىڭ جانە سالانىڭ ەرەكشەلىكتەرىنە بايلانىستى ءتيىمدى قارجىلاندىرۋ تاسىلدەرى كەرەك" دەلىنگەن جولداۋدا.
جالپى پرەزيدەنت جولداۋىنىڭ باسىم بولىگى ەكونوميكالىق جانە الەۋمەتتىك ماسەلەلەرگە ارنالعان. ءاربىر جولداۋ قازاقستاننىڭ قارقىندى دامۋى ءۇشىن ماڭىزى زور. وندا ەلىمىزدىڭ دامۋى ءۇشىن جاڭا مۇمكىندىكتەر قاراستىرىلعان.
بىزدەر پرەزيدەنتىمىزدىڭ جولداۋىن قولداپ، ءوز تاراپىمىزدان جۇمىلا ىسكە كىرىسەتىنىمىزدى باسا ايتقىم كەلەدى.