19-20 جاستاعى جاستار تۇنگى ۋاقىتتا توناۋمەن اينالىسقان
الماتى پوليسياسى قاراقشىلاردىڭ ەكى توبىن اشكەرەلەدى، – دەپ حابارلايدى Almaty-akshamy.kz Polisia.kz-كە سىلتەمە جاساپ.
المالى اۋداندىق پوليسيا باسقارماسىنىڭ مالىمەتىنشە، الماتى مەن شىعىس قازاقستان وبلىستارىنان كەلگەن 19-20 جاستاعى جاستار تۇنگى ۋاقىتتا توناۋمەن اينالىسقان.
«ولار قالانىڭ ورتالىق بولىگىندە ەكى ادام بولىپ جۇمىس جاساعان. تەك جالعىز ءوتىپ بارا جاتقان ادامداردى تونادى: ولار اقشانى، ۇيالى تەلەفونداردى، گادجەتتەردى جانە باسقا دا باعالى زاتتاردى تارتىپ الىپ ءجۇردى. ءتورت ايىپتالۋشىنىڭ بىرەۋى بۇرىن دا وسىنداي قىلمىسپەن جاۋاپقا تارتىلعان. كۇدىكتىلەر قاماۋعا الىندى. ولاردىڭ جەكە باسىنىڭ باسقا دا زاڭسىز ارەكەتتەرگە قاتىسى بار-جوعى تەكسەرىلۋدە»، – دەدى المالى اۋداندىق پوليسيا باسقارماسى باستىعىنىڭ ورىنباسارى ۆلاديمير رەشەتنيكوۆ.