قاۋىمداستىقتىڭ جارعىسى بەكىتىلدى
ۇلتتىق جوبانىڭ ءار جىلدارداعى جەڭىمپازدارى بىرىگىپ، «قازاقستاننىڭ 100 جاڭا ەسىمى» قاۋىمداستىعىن قۇردى. قاۋىمداستىقتىڭ اشىلۋ سالتاناتى 22 قازاندا ەلوردادا ءوتتى، دەپ حابارلايدى Almaty-akshamy.kz Egemen.kz-كە سىلتەمە جاساپ.
«قازاقستاننىڭ 100 جاڭا ەسىمى» جوباسىنىڭ جەڭىمپازدارى باس قوسقان جينالىستا قاۋىمداستىقتىڭ جارعىسى بەكىتىلىپ، قاۋىمداستىقتىڭ مۇشەلىگى، ۇيىمداستىرۋشىلىق ماسەلەلەرى، قۇرىلىمى سەكىلدى ءبىرقاتار سۇراقتار تالقىلاندى. سونىمەن قاتار، ۇيىمنىڭ جانە اتقارۋشى ورگاننىڭ قۇرامى انىقتالدى. قاۋىمداستىقتىڭ دامۋ ستراتەگياسى تالقىلانىپ، بىرلەستىك جۇمىسىنىڭ نەگىزگى قاعيداتتارى ايقىندالدى.
قاۋىمداستىقتىڭ نەگىزگى ماقساتى – ەلىمىزدىڭ تۇراقتى دامۋىن قامتاماسىز ەتۋ ءۇشىن «100 جاڭا ەسىم» جوباسى جەڭىمپازادرىنىڭ كۇشتەرى مەن تاجىريبەلەرىن بىرىكتىرىپ، قازاق جاستارىنىڭ بەلسەندىلىگىن ارتتىرۋ.
اسسوسياسيا قىزمەتى مەديسينا، ءبىلىم جانە عىلىم، مادەنيەت پەن سپورت، بيزنەس جانە ەكولوگيا سالالارىن قامتىپ، قازاقستان رەسپۋبليكاسىنىڭ بارلىق ايماقتارىنا جۇزەگە اساتىن بولادى.
جيىن قاتىسۋشىلارى ۇلتتىق جوباسىنىڭ بارلىق بەلسەندى جەڭىمپازدارىنا «قازاقستاننىڭ 100 جاڭا ەسىمى» قاۋىمداستىعىنا مۇشە بولۋعا شاقىردى.
قاۋىمداستىقتىڭ نەگىزگى قوزعاۋشى كۇشى جوبانىڭ بەلسەندى جەڭىمپازدارىنان تۇراتىن ەلىمىزدىڭ كورنەكتى جانە بولاشاعى زور كاسىبي ماماندار قوعامداستىعى بولدى، ولاردىڭ قاتارىندا عالىمدار، دارىگەرلەر، سپورتشىلار، ديزاينەرلەر، مادەنيەت قايراتكەرلەرى مەن بيزنەس يەلەرى بار.