الماتى پوليسياسى جەتىسۋ وبلىسىنىڭ تۇرعىنىنان قاڭتاردا ۇرلانعان قارۋدى تاركىلەدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
قارۋ-جاراق دۇكەنىنە جاسالعان شابۋىلعا قاتىسقان جەتىسۋ وبلىسىنىڭ 26 جاستاعى تۇرعىنى ۇستالدى. كۇدىكتىنى ۇستاۋ بويىنشا ارنايى ءىس-شارانى ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى مەن پوليسيانىڭ ارنايى جاساعى جۇرگىزدى.
«ل. ەسىمدى ازاماتتى جەكە ءتىنتۋ بارىسىندا قارۋ-جاراق دۇكەنىنەن قاڭتارداعى تارتىپسىزدىك كەزىندە ۇرلانعان تاپانشا تاركىلەندى. مامانداندىرىلعان سوت رۇقسات بەرگەن ءتىنتۋ بارىسىندا كۇدىكتىنىڭ ۇيىنەن تاپانشانىڭ قابى تابىلدى جانە تاركىلەندى. سونىمەن قاتار ۇستالعان ادامنىڭ جەتىسۋ وبلىسى قاراتال اۋدانىنداعى اكەسىنىڭ ۇيىنە دە ءتىنتۋ جۇرگىزىلدى. وندا 12-كاليبرلى يج-26 تەگىس ۇڭعىلى مىلتىق قابىمەن، وعان ارنالعان وپتيكا، پىشاق جانە تاپانشا تۇرىندەگى وتتىق تاركىلەندى»، – دەدى الماتى قالاسى پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
اتالعان دەرەك بويىنشا سوتقا دەيىنگى تەرگەۋ باستالدى. قىلمىستىق ءىس ق ر قك-نىڭ 291-بابى 1-بولىگى بويىنشا تىركەلدى.