ارىز تۇسكەنىن راستادى.
الماتى پوليسياسى عابيدوللا ءابدىراحىموۆقا قاتىستى قوزعالعان قىلمىستىق ىسكە تۇسىنىكتەمە بەردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
الماتى قالاسىنىڭ پوليسيا دەپارتامەنتى ق. ەسىمدى ازاماتتان عابيدوللا ءابدىراحىموۆتىڭ ۇستىنەن ارىز تۇسكەنىن راستادى.
«اتالعان دەرەك ق ر قىلمىستىق كودەكسىنىڭ 190-بابىنىڭ 4-بولىگىمەن سوتقا دەيىنگى تەرگەپ- تەكسەرۋدىڭ ءبىرىڭعاي تىزىلىمىندە تىركەلدى. قىلمىستىق ءىس بويىنشا ءوندىرىستى الماتى قالاسى قىلمىستىق ىزدەستىرۋ دەپارتامەنتىنىڭ تەرگەۋ باسقارماسى جۇرگىزىپ جاتىر. ونىڭ قورىتىندىسى بويىنشا سوڭعى پروسەسسۋالدىق شەشىم قابىلدانادى»،- دەپ حابارلادى الماتى قالالىق پوليسيا دەپارتامەنتىنىڭ باسپا ءسوز قىزمەتى.
بۇل ءىس تۋرالى اقپارات جۋرناليست ميحايل كوزاچكوۆتىڭ Telegram ارناسىندا جاريالانعان بولاتىن.
«كارىم ءماسىموۆ پەن عابيدوللا ابدىراحىموۆكە قاتىستى «رەيدەرلىك» بابى بويىنشا قىلمىستىق ءىس قوزعالدى»، - دەلىنگەن حابارلامادا.