بۇل جولى ەسىرتكى قىلمىسىمەن كۇرەسۋشىلەردىڭ نازارىنا 29 جاستاعى الماتى تۇرعىنى ءتۇستى.
ونىڭ قىلمىستىق ارەكەتى جەدەل جانە ارنايى ءىس-شارالار ناتيجەلەرى بارىسىندا راستالدى.
«ق ر قك-نىڭ 296-بابى 2-بولىگى بويىنشا قىلمىس جاسادى دەگەن كۇدىكپەن 29 جاستاعى ج.ەسىمدى ازامات ۇستالدى. ونىڭ كولىگىن رۇقسات ەتىلگەن ءتىنتۋ كەزىندە جول سومكەسىنەن اق ۇنتاق زاتى بار 12 ءتۇسسىز بايلام تابىلدى جانە تاركىلەندى. ج.ەسىمدى ازامات تاركىلەنگەن زاتتىڭ مەفەدرون ەسىرتكى زاتى ەكەنىن ايتتى. ەر ادام ەسىرتكىنى جاسىرىن قويىپ كەتۋمەن اينالىساتىنىن مويىندادى»، – دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.