پرەزيدەنت قاسىم-جومارت توقايەۆتىڭ ارالدى قۇتقارۋ قورىنىڭ قۇرىلتايشى مەملەكەتتەرى باسشىلارى كەڭەسى وتىرىسىندا بايانداما جاسادى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
ۇيىمدى ودان ءارى دامىتۋعا قاتىستى ۇسىنىستارىمدى ورتاعا سالعىم كەلەدى. ءبىرىنشى. قوردىڭ ۇيىمدىق قۇرىلىمى مەن شارتتىق-قۇقىقتىق بازاسىن جەتىلدىرۋ پروسەسىن تەزىرەك اياقتاۋ ماڭىزدى ماسەلە بولىپ قالا بەرەدى. قوردىڭ باسقارماسى مەن اتقارۋشى كوميتەتىنىڭ وكىلەتتىلىگىن جانە جاۋاپكەرشىلىگىن كەڭەيتكەن ءجون. مەملەكەتارالىق سۋ شارۋاشىلىعىن ۇيلەستىرۋ كوميسسياسىن مەملەكەتارالىق سۋ-ەنەرگەتيكالىق كوميسسيا رەتىندە قايتا قۇرۋدى ۇسىنامىز. بۇل شارالار قوردىڭ تيىمدىلىگىن ارتتىرار ەدى، - دەدى ول.
ەكىنشى ۇسىنىسىن جەتكىزگەن مەملەكەت باسشىسى ايماقتاعى بارلىق ەلدىڭ يرريگاسيا، گيدروەنەرگەتيكا جانە ەكولوگيا سالالارىنداعى مۇددەلەرىن ەسكەرە وتىرىپ، ورتالىق ازيانىڭ سۋ-ەنەرگەتيكا رەسۋرستارىن ءتيىمدى پايدالانۋ ءۇشىن ۇزاق مەرزىمدى ءارى ورنىقتى ايماقتىق ىنتىماقتاستىق مەحانيزمىن قۇرۋ قاجەت ەكەنىن اتاپ ءوتتى.
ەكىنشى. ايماقتاعى بارلىق ەلدىڭ يرريگاسيا، گيدروەنەرگەتيكا جانە ەكولوگيا سالالارىنداعى مۇددەلەرىن ەسكەرە وتىرىپ، ورتالىق ازيانىڭ سۋ-ەنەرگەتيكا رەسۋرستارىن ءتيىمدى پايدالانۋ ءۇشىن ۇزاق مەرزىمدى ءارى ورنىقتى ايماقتىق ىنتىماقتاستىق مەحانيزمىن قۇرۋ. ءبىزدىڭ ويىمىزشا، حالىقارالىق سۋ-ەنەرگەتيكا كونسورسيۋمى وسىنداي مەحانيزمنىڭ ءرولىن اتقارا الار ەدى.
ءۇشىنشى. ارال تەڭىزى باسسەينىندەگى سۋ رەسۋرستارىن ەسەپكە الاتىن، مونيتورينگ جاسايتىن، باسقاراتىن جانە بولەتىن ءبىرىڭعاي اۆتوماتتاندىرىلعان جۇيە ەنگىزۋ بويىنشا جۇمىس جوسپارىن ازىرلەۋ. بۇل باستامانىڭ جۇزەگە اسىرىلۋى ايماقتاعى سۋدى پايدالانۋدىڭ اشىقتىعىن قامتاماسىز ەتىپ، ورتالىق ازيا ەلدەرىمەن اراداعى ديالوگتى جانە دوستىقتى نىعايتۋعا ىقپال ەتەدى، - دەدى توقايەۆ.
قاسىم-جومارت توقايەۆتىڭ سوزىنشە، تاعى ءبىر ماڭىزدى باستامانىڭ ءبىرى – ورتالىق ازيا ەلدەرىنىڭ كليمات ماسەلەلەرى جونىندەگى جوبالىق كەڭسەسىن قۇرۋ.
بۇل قادام كليماتتىڭ وزگەرۋىنە بەيىمدەلۋ جانە ونىڭ سالدارىن ازايتۋ ءۇشىن پارمەندى شارالار ازىرلەۋگە مۇمكىندىك بەرەدى. ءبىز بىشكەكتىڭ قوردى جەتىلدىرۋ جونىندەگى جۇمىس توبىنىڭ قىزمەتىنە اتسالىسۋىن وڭ باعالايمىز. قىرعىز رەسپۋبليكاسى قايتادان حالىقارالىق ارالدى قۇتقارۋ قورىنىڭ تولىققاندى مۇشەسى بولادى دەپ ۇمىتتەنەمىز. كەلەشەكتە ءبىز باۋىرلاس قىرعىزستاننىڭ قورعا ءتوراعالىق ەتۋىن قۋانا قۇپتايمىز، - دەدى ول.
پرەزيدەنتتىڭ ايتۋىنشا، بۇگىنگى سامميت تىعىز ىنتىماقتاستىق، ءوزارا ءتيىمدى سەرىكتەستىك جاساۋ جانە ءبىر-بىرىمىزدىڭ مۇددەلەرىمىزدى قۇرمەتتەۋ ارقىلى عانا ايماعىمىزدىڭ تۇراقتى دامۋىن، قاۋىپسىزدىگى مەن ەكونوميكالىق ءال-اۋقاتىن قامتاماسىز ەتە الاتىنىن انىق كورسەتىپ وتىر.
ءبىزدىڭ كەزدەسۋىمىز سۋ سالاسىنداعى وڭىرلىك ىنتىماقتاستىقتى ودان ءارى نىعايتۋعا ىقپال ەتەتىن شەشىمدەردى ۋاقتىلى جانە بىرلەسە قابىلداۋعا مۇمكىندىك بەرەدى دەپ سەنەمىن. جوعارى دەڭگەيدەگى كەلەسى كەزدەسۋدى ءوزىم باستاماشى بولعان بۇۇ اياسىنداعى ايماقتىق كليماتتىق سامميتپەن بىرىكتىرە وتىرىپ، 2026 جىلى قازاقستاندا وتكىزۋدى ۇسىنامىن. ءسوزىمدى قورىتىندىلاي كەلە، قور قىزمەتىن مۇلدە جاڭا دەڭگەيگە كوتەرۋ ءۇشىن قازاقستان بار كۇش-جىگەرىن جۇمساۋعا دايىن ەكەنىن تاعى دا راستاعىم كەلەدى. قور جۇمىسىنا بارلىق قۇرىلتايشى مەملەكەتتىڭ بەلسەندى ارالاسۋى سۋ ماسەلەسىن ءتيىمدى شەشۋگە جانە ايماقتىق ينتەگراسيانىڭ ودان ءارى نىعايۋىنا ىقپال ەتەرىنە سەنىمدىمىن، - دەدى توقايەۆ.
جيىندا تاجىكستان پرەزيدەنتى ەمومالي راحمون، تۇرىكمەنستان پرەزيدەنتى سەردار بەردىمۇحامەدوۆ، وزبەكستان پرەزيدەنتى شاۆكات ميرزيويەۆ، قىرعىزستان مينيسترلەر كابينەتى ءتوراعاسىنىڭ ءبىرىنشى ورىنباسارى ادىلبەك قاسىمالييەۆ ءسوز سويلەدى.
