الماتى پوليسەيلەرى لومباردتاعى الاياقتىق تۋرالى ماسەلە قارادى

قالالىق پد-دە قازاقستان لومباردتار قاۋىمداستىعى وكىلدەرى مەن پوليسيا قىزمەتكەرلەرىنىڭ قاتىسۋىمەن دوڭگەلەك ۇستەل وتكىزىلدى.

الماتى پوليسەيلەرى لومبارد باسشىلارىمەن تانىمال الاياقتىق تىزبەكتەردى تالقىلادى، – دەپ حابارلايدى Almaty-akshamy.kz Polisia.kz سايتىنىڭ مالىمەتىنە سۇيەنە وتىرىپ.

قالالىق پد-دە وتكەن دوڭگەلەك ۇستەل بارىسىندا لومباردتارمەن بايلانىستى الاياقتىق ارەكەتتەر قارالدى.

«جۇمىس كەزدەسۋىندە لومباردتا كەپىلدە تۇرعان كولىكتەردىڭ قر-نان تىس جەرلەرگە كەتۋىن شەكتەۋ، قىلمىستىق ءىس شەڭبەرىندە سوت ورىنداۋشىلارىنا مۇلىكتى تاركىلەۋدە كومەك كورسەتۋ، جالعان قارىز الۋشىلاردى جاۋاپكەرشىلىككە تارتۋ ماسەلەلەرى جانە ت.ب. لومباردتاردىڭ قۇقىقتارىن بۇزۋشىلىققا جول بەرمەۋ ءۇشىن، وسىعان ۇقساس قىلمىستىق ىستەردى قاراۋ جانە تەرگەۋ كەزىندە وزەكتى ۇسىنىستار مۇقيات تالدانادى جانە ەسكەرىلەدى. سونىمەن قاتار ديالوگ ناتيجەسىندە لومباردتار پوليسياعا كوپ سۇرالمايتىن مۇلىكتەر تۋرالى اقپارات بەرەدى، ايتپاقشى، ولاردىڭ قىلمىستىققا قاتىسى بولۋى مۇمكىن دەگەن كەلىسىم جاسالدى»، – دەدى الماتى قالالىق پد باستىعىنىڭ ورىنباسارى رۇستەم ءابدراحمانوۆ.