ەگدە جاستاعى تۇرعىندار كومەك سۇراپ ناۋرىزباي اۋدانىنىڭ ۋچاسكەلىك ينسپەكتورلارىنا جۇگىندى.
ءوز نەمەرەسىنەن زورلىق-زومبىلىق كورگەن زەينەتكەرلەردى الماتى پوليسياسى قورعادى، – دەپ حابارلايدى Almaty-akshamy.kz Polisia.kz. cايتىنا سىلتەمە جاساپ.
اجەسىنىڭ ايتۋىنشا، ولار ءوز نەمەرەسىنەن زورلىق-زومبىلىق كورەدى.
«ءبىزدىڭ ءبولىمنىڭ قىزمەتكەرلەرى زەينەتكەرلەردىڭ تۇرعىلىقتى جەرىنە باردى. ۇيدە ولارمەن بىرگە ۇل نەمەرەسى دە تۇرادى. ال قىز نەمەرەسى بۇعان دەيىن بىرنەشە رەت اكىمشىلىك جاۋاپكەرشىلىككە تارتىلعان. ايەلدىڭ ءوزىنىڭ تۋىستارىنا: اجەسىنە، اتاسىنا جانە وگەي اعاسىنا جۇيەلى تۇردە قول كوتەرەتىنى انىقتالدى. ءوتىنىش بەرۋشىنىڭ ايتۋىنشا، ايەل 77 جاستاعى اتاسىنىڭ زەينەتاقىسىن تارتىپ الادى، ول بۇرىن اناسىنىڭ اتا-اناسىنا قارسى قول كوتەرگەن. سونىمەن قاتار اجەسى جانجال كەزىندە نەمەرەسى ولاردى كوشەگە قۋىپ جىبەرەتىندىگىن، ۇيدە توبەلەس شىعاراتىندىعىن، ءۇي زاتتارىن سىندىراتىندىعىن، وگەي باۋىرىن تۇرمەگە جابامىن دەپ قورقىتاتىندىعىن ايتتى»، – دەيدى ناۋرىزباي اۋداندىق پوليسيا باسقارماسىنىڭ باستىعى ديدار احانوۆ.
«ءوز اناسىن ۇرادى. ول بۇل جەردەن كەتۋگە ءماجبۇر بولدى، ونىڭ جۇرەگى اۋىرادى، شىداي المايدى. ول ءبارىن سىندىردى، وتە ىزاقور. اتاسىن بىرنەشە رەت ۇردى. ول مۇنىڭ ءبارىن كەيىنىرەك ءوزى يەمدەنىپ قالۋ ءۇشىن ءبىزدى قۇرتقىسى كەلەتىن شىعار»، – دەدى زەينەتكەر.
ۇيدەگى جانجالداردى كورشىلەر دە راستايدى.
«كۇن سايىن جانجال. شىنىمدى ايتسام، بۇل سونداي جاعىمسىز. اراشا تۇسۋگە تىرىستىق، ءبىراق بۇل بوتەن وتباسى، نە دەي الاسىڭ»، – دەيدى زەينەتكەرلەردىڭ كورشىسى.
ۋچاسكەلىك پوليسەيلەر حابارلاعانداي، ايەل اداممەن بىرنەشە رەت پروفيلاكتيكالىق اڭگىمە وتكىزىلگەن.
«وسى فاكت بويىنشا ءبىز زەينەتكەرلەردىڭ ءومىرى مەن دەنساۋلىعىنىڭ قاۋىپسىزدىگى تۋرالى قورعانىس بۇيرىعىن شىعاردىق. بۇل وتباسى باقىلاۋعا الىندى جانە ءبىز وسى ۇيدەگى جاعدايدى جانە قۇقىق بۇزۋشىنىڭ مىنەز-قۇلقىن باقىلاپ وتىرامىز. ەگەر وسى ىس-ارەكەت قايتالانسا، ءتيىستى شارالار قولدانىلادى»، – دەدى ناۋرىزباي اۋداندىق پب-نىڭ ۋچاسكەلىك ينسپەكتورى عالىم جارىلقاسىن ۇلى.