الماتى قالاسى المالى اۋدانىنىڭ پوليسەيلەرى ءىرى كولەمدە ينتەرنەت-الاياقتىقتى توقتاتتى، - دەپ حابارلايدى Aqshamnews.kz.
Polisia.kz اقپاراتىنا ساي، كەزەكشى بولىمگە جەرگىلىكتى تۇرعىندار جۇگىنىپ، 21 جاستاعى ۇلدارىنىڭ جوعالىپ كەتكەنىن حابارلاعان.
جاس جىگىت وزىمەن بىرگە التىن بۇيىمدار مەن جيناعان اقشانى الىپ، ۇيىنەن شىعىپ كەتكەن. ول بىرنەشە ساعات بويى بايلانىسقا شىقپاعان. اتا-اناسى ونىڭ كومپيۋتەرىندەگى كۇماندى حات الماسۋدى بايقاپ، بىردەن پوليسياعا جۇگىنگەن. پوليسيا قىزمەتكەرلەرى جىگىتتىڭ ورنالاسقان جەرىن انىقتاپ، ونىڭ ينتەرنەت-الاياقتاردىڭ ىقپالىندا بولعانىن انىقتادى. ءتارتىپ ساقشىلارىنىڭ جەدەل ارەكەتىنىڭ ارقاسىندا وتباسىنىڭ جيناعان 4 ميلليون تەڭگەدەن استام قاراجاتىن ساقتاپ قالۋ مۇمكىن بولدى.
- الاياقتار ازاماتتاردى ءتۇرلى قاۋىپكە تولى تىزبەكتەرگە تارتۋ ءۇشىن پسيحولوگيالىق قىسىم مەن الداۋدى ءجيى قولدانادى. كۇماندى جاعداي بايقالعان كەزدە بىردەن پوليسياعا جۇگىنۋ وتە ماڭىزدى. بۇل جاعدايدا ءبىز جاس جىگىتتىڭ ورنالاسقان جەرىن شۇعىل انىقتاپ، زاڭسىز ارەكەتتەردىڭ جولىن كەستىك. ءقازىر الاياقتىققا قاتىسى بار ادامداردى انىقتاۋ جانە ۇستاۋ شارالارى جۇرگىزىلۋدە، - دەدى المالى اۋداندىق پوليسيا باسقارماسىنىڭ جەدەل كەزەكشىسى ادىلەت سليامبايەۆ.
- ءبىز ۇلىمىزدىڭ بەيتانىس ادامدارمەن حات الماسىپ، ولاردىڭ نۇسقاۋىمەن اقشا اۋدارماق بولعانىن بايقادىق. دەرەۋ دابىل قاعىپ، پوليسياعا باردىق. وسى جەردە بىزگە كومەكتەستى، بالامىزدى جىلدام تاۋىپ، الاياقتىقتىڭ الدىن الدى. پوليسيا قىزمەتكەرلەرىنە كاسىبيلىگى مەن قولداۋى ءۇشىن العىس ايتامىز، – دەدى جىگىتتىڭ اكەسى.
الماتى پوليسياسى قالا تۇرعىندارىن قىراعى بولۋعا، كۇماندى ينتەرنەتتەگى تانىستارعا سەنبەۋگە شاقىرادى. الاياقتىق بەلگىلەرى بايقالعان جاعدايدا ىشكى ىستەر ورگاندارىنا دەرەۋ حابارلاسۋ قاجەت.