پيلوتتىق جوبا اباي وبلىسىندا، پاۆلودار وڭىرىندە جانە شىمكەنت قالاسىندا ىسكە اسىرىلادى.
ق ر ەڭبەك جانە حالىقتى الەۋمەتتىك قورعاۋ مينيسترلىگى ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىمەن بىرلەسىپ، كەيىننەن قايتارۋ ارقىلى وتەۋسىز پايدالانۋ شارتىمەن ازاماتتاردى جەكەلەگەن تەحنيكالىق وڭالتۋ قۇرالدارىمەن قامتاماسىز ەتۋ بويىنشا پيلوتتىق جوبانى ىسكە اسىرۋدى جوسپارلاپ وتىر، - دەپ حابارلايدى Aqshamnews.kz.
وسىعان بايلانىستى بىرلەسكەن بۇيرىق جوباسى تۋرالى اقپارات «اشىق نقا» پورتالىندا جاريالاندى.
مۇگەدەكتىگى بار ادامدارعا وتەۋسىز پايدالانۋ نەگىزىندە مىناداي جەكەلەگەن توق تۇرلەرى ۇسىنىلاتىن بولادى: پروتەزدىك-ورتوپەديالىق (مىسالى، ءجۇرىپ-تۇرۋعا ارنالعان قۇرىلعىلار، ۇستاعىشتار جانە ت.ب.)، سۋردوقۇرىلعىلار، تيفلوتەحنيكالىق قۇرالدار، گيگيەنالىق جابدىقتار جانە ارنايى قوزعالىس قۇرالدارى.
توق-مەن قامتاماسىز ەتۋدىڭ جاڭا تەتىگىنىڭ ماڭىزدى اسپەكتىسى – وڭالتۋ قۇرالدارىنىڭ توزۋ دەڭگەيىن ايقىندايتىن، ولاردى ۋاقتىلى جوندەۋ نەمەسە اۋىستىرۋ ارقىلى ءتيىستى تەحنيكالىق كۇيگە كەلتىرۋدى قامتاماسىز ەتەتىن الەۋمەتتىك-تەحنيكالىق ساراپتاما قىزمەتىن قۇرۋ بولىپ تابىلادى.
پيلوتتىق جوبا قازاقستان رەسپۋبليكاسىنىڭ 2025–2030 جىلدارعا ارنالعان ينكليۋزيۆتىك ساياسات تۇجىرىمداماسىن ىسكە اسىرۋ اياسىندا ازىرلەنگەن. جوبا توق-نى ۇتىمدى پايدالانۋ تەتىگىن ەنگىزۋگە، زاماناۋي ۇلگىلەردىڭ ساپاسىن جاقسارتۋعا جانە قولجەتىمدىلىگىن ارتتىرۋعا مۇمكىندىك بەرەدى، بۇل ءوز كەزەگىندە مۇگەدەكتىگى بار ادامداردى وڭالتۋعا جانە ولاردىڭ قوعامعا سىڭىسۋىنە وڭ اسەرىن تيگىزەدى.