نەگىزگى ماقسات – ازاماتتاردى كوروناۆيرۋس ينفەكسياسىنان قورعاۋ.
مۇسىلمانداردىڭ باستى مەرەكەسى -قۇربان ايت 2021 جىلى 20 مەن 22 شىلدە ارالىعىندا وتەدى. ال مەرەكەنىڭ فورماتى وتكەن جىلدىڭ ۇلگىسىندە بولادى. قۇرباندىق شالۋ ءراسىمى qurban2021.kz. سايتتا ءوتىنىم بەرە وتىرىپ، ونلاين-رەجيمدە وتەدى، دەپ حابارلادى Almaty-akshamy.kz.
الماتى ورتالىق مەشىتىنىڭ نايب يمامى ماديار ءپىرىمقۇلوۆتىڭ ايتۋىنشا، كۆي-دىڭ كۇردەلى ەپيدەميولوگيالىق جاعدايىنا بايلانىستى مۇسىلماندار جينالىسى بولمايدى. جانۋارلاردى قۇرباندىققا شالۋدىڭ بارلىق سالتتىق ارەكەتتەرى قاشىقتان ونلاين رەجيمدە وتەدى.
نيەت بىلدىرۋشىلەر qurban2021.kz سايتىندا 22 شىلدە ساعات 14.00-گە دەيىن قۇرباندىق شالۋعا ءوتىنىش بەرە الادى. قۇرباندىق ەتى مۇقتاج وتباسىلارعا جەتكىزىلەدى. سونداي-اق ونىڭ ەتىن العىسى كەلەتىندەر دە وسى سايتتا ءوتىنىش قالدىرا الادى.
17 شىلدە كۇنى ينتەرنەت-پلاتفورما قىزمەتىنە ەت الۋعا نيەت بىلدىرۋشىلەردەن 486 ءوتىنىم بەرىلدى. ال 200-دەن استام الماتىلىق قۇربان شالۋ ءراسىمىن جاساۋعا شەشىم قابىلدادى.
الماتى ورتالىق مەشىتىنىڭ نايب يمامى قۇرباندىق شالۋدىڭ بارىسى دۇعا كەزىندە راسىمگە تاپسىرىس بەرگەندەردىڭ ەسىمدەرى ايتىلاتىنداي بەينەجازبا رەجيمىندە وتەتىنىن ايتتى. بەينەجازبادان كەيىن تاپسىرىس بەرۋشىگە جىبەرىلەدى.
«ينتەرنەتتەگى قۇرباندىق تەك بەلگىلەنگەن جەردە بولادى. ءراسىمدى وتكىزۋگە ارنايى توپ بەكىتىلگەن، بوگدە ادامدارعا كىرۋگە تىيىم سالىنعان، بارلىق جۇمىس سانيتارلىق تالاپتارعا سايكەس جۇرگىزىلەتىن بولادى»، – دەيدى ماديار ءپىرىمقۇلوۆ.
ونلاين-رەجيمدە قۇرباندىق شالۋ ءداستۇرىن وتكىزۋ جانە مۇقتاج ادامدارعا تولىق تاراتۋ تاجىريبەسى تۇركيادا، مالايزيادا، يندونەزيادا، بىرىككەن اراب امىرلىكتەرىندە الدەقاشان ەنگىزىلىپ، جىل سايىنعى داستۇرگە اينالدى. نەگىزگى ماقسات – ازاماتتاردى كوروناۆيرۋس ينفەكسياسىنان قورعاۋ.
ءدىن وكىلدەرى ءدىندارلاردى قۇربان ايت مەرەكەسىنە جاۋاپكەرشىلىكپەن قاراۋعا شاقىردى. بۇل كۇندەرى ۇيدە بولۋ كەرەك، قوناققا بارماۋ كەرەك جانە ءىس-شارا ۇيىمداستىرماۋ كەرەك. وسى قيىن ۋاقىتتا قالا تۇرعىندارى كىشىپەيىلدىلىك تانىتىپ، ينفەكسيانىڭ تارالۋىن توقتاتۋ ءۇشىن ءبارىن جاساۋى كەرەك.
قۇربان ايتقا قاتىستى بارلىق سۇراقتار بويىنشا مىنا نومىرلەرگە حابارلاسۋعا بولادى: 8 (727) 329 09 66، 8 778 382 88 36 نەمەسە WhatsApp ءنومىرى بويىنشا – 8 775 475 00 83.