سوڭعى ۋاقىتتا اlmaty-akshamy.kz سايتىندا جۇمىس ىستەگەن.
تانىمال جۋرناليست دانابەك بيمەنوۆ 17 شىلدە كۇنى، 67 جاسقا قاراعان شاعىندا ومىردەن وزدى، دەپ حابارلايدى Almaty-akshamy.kz.
دانابەك بيمەنوۆتىڭ نەگىزگى ماماندىعى — فيزيك. قازاق مەملەكەتتىك ۋنيۆەرسيتەتىن اياقتاعاننان كەيىن عىلىمي ەڭبەكپەن اينالىسقان، ەكى رەت زەرتتەۋشىلىك ەكسپەديسيانىڭ قۇرامىندا انتاركتيداداعى ميرنىي ستانسياسىندا بولىپ قايتقان.⠀
بوس ۋاقىتىندا شىعارماشىلىقپەن اينالىسىپ، جۋرناليستيكاعا بەت بۇرعان. ول —كليماتتى ساقتاۋ پروبلەمالارى جانە ەكولوگيالىق قاۋىپسىزدىك ماسەلەسى بويىنشا كوپتەگەن عىلىمي ماقالالاردىڭ اۆتورى.⠀
10 جىلدان استام ۋاقىت بي-بي-سي تەلەراديوحابار تاراتۋ كورپوراسياسىنىڭ قازاق رەداكسياسىنىڭ رەپورتەرى بولعان، كەيىنىرەك ەڭبەك جولىن «ازاتتىق/ازات ەۋروپا» راديوسىنىڭ ءجۋرناليسى بولىپ جالعاستىرعان. قازتاگ حاا قازاق رەداكسياسىن باسقارعان. ءومىرىنىڭ سوڭىندا Almaty-akshamy.kz سايتىندا جۇمىس ىستەدى.⠀
دانابەك بيمەنوۆ – حالىقارالىق جانە رەسپۋبليكالىق شىعارماشىلىق بايقاۋلاردىڭ بىرنەشە مارتە جەڭىمپازى، قازاقستان جۋرناليستەر وداعىنىڭ «ۇزدىك رەپورتەرلىك جۇمىس» اتالىمىنداعى سىيلىقتىڭ لاۋرەاتى.⠀
«Aلاتاۋ اقپارات» ج ش س ۇجىمى دانابەك بيمەنوۆتىڭ تۋىستارى مەن جاقىندارىنا قايعىرىپ كوڭىل ايتادى.