ماسايعان جۇرگىزۋشىدەن وسىمدىك تەكتەس كۇماندى زات تابىلعان.
بوگەنباي باتىر مەن دوسمۇحامەدوۆ كوشەلەرىنىڭ قيىلىسىندا بۋران-044 پاترۋلدىك پوليسياسىنىڭ ەكيپاجى Faw كولىگىن بايقادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
سالوندا ءتارتىپ ساقشىلارىنا ىس-ارەكەتى كۇدىكتى بولىپ كورىنگەن ەكى ەر ادام بولدى. سالدەن كەيىن جۇرگىزۋشىنىڭ ماس بولعانى انىقتالدى. سونىمەن قاتار ەر ادامدى جەكە ءتىنتۋ كەزىندە ودان وسىمدىك تەكتەس زات تابىلدى. ساراپتاما تاعايىندالدى. كولىك قۇرالىن ماس كۇيىندە جۇرگىزۋ دەرەگى بويىنشا اكىمشىلىك ءىس جۇرگىزۋ ماتەريالى شەشىم قابىلداۋ ءۇشىن سوتقا جولداندى. كولىك مامانداندىرىلعان ايىپپۇل تۇراعىنا قويىلدى.